1. Чанга гэдгийн эсрэг утга: сул бүслэх (бүсээ чанга биш ороох) - Та нарыг бүсээ яагаад ийм дэлгэрэнгүй...
сул бүслэв? гэж ноён дарга зэмлэж байна. Л.Түдэв. Алтан гадас чигийг заана;сул бүслэх | бүсээ чанга биш ороох |
үүдээ сул орхих | үүдээ оньсолж цоожлолгүй задгай орхих |
сул асгарах | ямар нэгэн саад болох хаалт, хашилтгүй шууд унжих, унах |
сул асгах | ямар нэгэн зүйлийг хайрцаг сав зэрэгт хийлгүй задгай асгах |
сул тавих | уяж боож, барьж, оосорлолгүй орхих, зоргоор нь орхих |
сул чулуу | ямар нэгэн зүйлд наалдаж, автаагүй чулуу |
сул авдар | хоосон авдар |
сул байр | тавилга хогшилгүй хоосон байр |
сул хуудас | а. Бичиг, зураггүй хоосон хуудас; б. Тамгагүй баримт |
сул тамга | бөглөөгүй, цагаан хуудас |
морио сул тавих | морио уяж чөдөрлөлгүй орхих |
сул зогсох | ямар нэг дүрэм журамд баригдалгүй чөлөөтэй зогсох |
сул гар | юм барьж атгаагүй, юм хийгээгүй чөлөөтэй гар |
сул гэр | хүн амьдардаггүй гэр |
сул сандал | хүн суугаагүй сандал |
сул ширээ | хүн суугаагүй, хоосон ширээ |
сул газар | а. Хүн эзэмшээгүй газар; б. Тариа ногоо тариагүй газар |
сул цаг | ажилгүй, чөлөөтэй цаг |
дэл сул | хэрэгцээ багатай, үнэ цэнэгүй юм |
сул задгай | а. Чөлөөтэй; б. Эмх замбараагүй |
сул чөлөөтэй | ажил төрөлд баригдаж хавчигдаагүй, ямар нэг хэв журамд автаагүй байдал |
сул байх | чөлөөтэй байх |
сул хүн | эрхэлсэн алба ажил, сургууль номгүй хүн |
сул орон тоо | хүн авч ажиллуулаагүй цалин хөлс нь бэлэн байгаа ажлын орон тоо |
сул цалин | тэтгэвэр |
сул суух | а. Ажил хийлгүй зүгээр суух; б. Тэтгэвэртээ гарах |
сул амар | эрхэлсэн тодорхой ажилгүй, чөлөөтэй |
сул гүн | хамжлага ард, эдлэн газар байхгүй гүн хэргэмтэн |
сул сайд | ямар нэг яамны ажил тусгайлан эрхэлдэггүй, сайд нарын зөвлөлийн гишүүн, сайд нарын зөвлөлийн хуралд сууж шийдвэр гаргахад нь оролцон зөвлөлийн даргаас тусгайлан даалгасан онцгой, чухал ажлыг гүйцэтгэх сайд |
сул биетэй | тэнхээ муутай, чадалгүй, өвчтэй |
тамир сул | чадал муутай, улбагар |
сул дорой | тэнхээ тамир муутай үлбэгэр |
ажлын сул тал | ажлын доголдолтой тал |
сул дүн | хангалтгүй дүн |
сул зохиол | сонирхолгүй муухан зохиол |
сул мал | хариулсан эзэнгүй мал |
сул орхисон сур, дэмий орхисон дээс болох | захиргаагүй болох |
сул дарс | амт сулхан дарс |
сул архи | усавхи амттай, ус шиг архи |
сул хэрэгт цагийг барахын оронд судар бичгээс мэдлэг шүүх нь дээр | эрдэм ном сурах нь чухал гэсэн санаа |
сул авах | а. Хямдаар авах; б. Зүгээр авах |
сул өгөх | хямдхан худалдах, зүгээр өгөх |
сул зарах | а. Үнэ хямд өгөх; б. Мөнгө зэргийг ойр зуурын хэрэглээнд бага багаар зарцуулах |
сул алба | найман зуу хүрэхгүй шар цайны алба |
гар сул | а. Арвилан хэмнэхийг мэддэггүй үрэлгэн; б. Өглөгч, харамч биш |
сул амтай | а. Болсон болоогүй юм байнга ярьж явдаг чалчаа хүн; б. [шилжсэн] Хүний нууцыг хадгалж чаддаггүй задгай яриатай хүн |
сул яриа | а. Аядуу намдуу яриа; б. Дэмий яриа, хов - Тэгэхлээр аар саархан хов жив, цуу үг, сул яриагаар хөөцөлдөөд яах вэ С.Лочин. Сэтгэлийн өнгө |
сул яриа дэлгэх | аар саар, дэмий юм ярих |
өвөр сул | завхай, шалиг хүн |
сул хатан | хаад, ноёдын татвар эхнэр |
сул мөнгө | ашиг болж орж ирсэн мөнгө |
сул үг | а. Биеэ даасан утгагүй, өгүүлбэрт үгийн өмнө хойно орж, утгыг илрүүлэх үгийн ай; б. Бичиг зохиолыг нуршуу болгосон илүү үг Өдий төдий сул үгтэй урт бичиг уншив. Ч.Лодойдамба. Тунгалаг Тамир; б. Хов жив, ховын үг - Төрд харштай, насанд цөвтэй гэх зэрэг сул үг хэлж суух юм. Л.Түдэв. Алтан гадас чигийг заана |
сул хөрс | газрын хөрс хатуу биш |
сул шороо | нягтарч дагтаршаагүй шороо |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он