Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

СОР I

1. Мал, амьтны ноолууртай хольцолдон ургасан урт ширүүн үс - Доной гуай сайн морь сайхан эрийн тухай яриад дэлгэрэнгүй... Д.Гарамжав. Нэгэн өглөө., булганы сор (булганы гялалзаж гялтганасан урт үс) - Булганы сор шиг сормууст нүдэнд чинь бусдын дүр хоногшуулахгүй юмсан даа. Б.Жамц. Сэтгэлийн нууц., үнэгний сор (үнэгний гялалзаж гялтганасан урт үс), хурган сор (нарийн ноост хурганы арай бүдүүн ширхэгтэй ноос), санчигт сор суух (хүний үс санчигнаасаа эхлэн бууралтах) - Цэрэн дарга оройгоосоо халзарч, санчигт нь буурал сор суусан шингэн үстэй хүн байв. Л.Дашням. Нялх ногоо;

2. Хүн, малд гишгэгдээгүй сэрмүүн соргог өвс - Мал сүргээ усны тунгалаг, өвсний сорыг дагуулж бэлчээнэ. өвсний сор (өвсний торгон үзүүр), сор хөөх (а. Нутаг бэлчээрийн сайныг бараадах; б. Юмны сайныг дагаж явах), минжийн сор [ургамал] (гол үндэс нь нарийн, хатахаараа бор улаан өнгөтэй болдог, бүх хэсгээрээ ширүүн цагаан үстэй бөгөөд зарим үсний нь уг бөөрөнхий товгор, навч нь цувран ургаж, бор, цагаан, хөхөвтөр бор цэцэг дэлгэрдэг, өндгөлжин хэлбэрийн хатуу жимстэй, үндэс болон бүхэл өвс нь эмийн найрлагад ордог олон наст өвс);

3. [шилжсэн] Юмны чанар сайтай нь, охь, тэргүүн - Өртөөний морьдын сор болсон өндөр цавьдар морийг барьж өглөө. сор дээж [хоршоо] (охь дээж) - Өрөм, ааруул тэргүүтэй идээ цагааны аль сор дээжийг цар тавагт уул овоо шиг өрөөд, шар эрээн хив хадгаар нямбайлан бүтээжээ. Т.Дэчингунгаа. Өөдрөг зам., сор сод [хоршоо] (тэргүүн, манлай).

булганы сор	булганы гялалзаж гялтганасан урт үс
үнэгний сор	үнэгний гялалзаж гялтганасан урт үс
хурган сор	нарийн ноост хурганы арай бүдүүн ширхэгтэй ноос
санчиганд сор суух	хүний үс санчигнаасаа эхлэн бууралтах
өвсний сор	өвсний торгон үзүүр
сор хөөх	а. Нутаг бэлчээрийн сайныг бараадах; б. Юмны сайныг дагаж явах
минжийн сор	гол үндэс нь нарийн, хатахаараа бор улаан өнгөтэй болдог, бүх хэсгээрээ ширүүн цагаан үстэй бөгөөд зарим үсний нь уг бөөрөнхий товгор, навч нь цувран ургаж, бор, цагаан, хөхөвтөр бор цэцэг дэлгэрдэг, өндгөлжин хэлбэрийн хатуу жимстэй, үндэс болон бүхэл өвс нь эмийн найрлагад ордог олон наст өвс
сор дээж	охь дээж
сор сод	тэргүүн, манлай