САДАА

Саад тотгор - Хүний ажилд садаа боллоо гээд бие нь суларч газар шалхийн суув. Л.Түдэв. Нүүдэл., замын садаа (замд тохиолдох саад тотгор) - Энэ үгийг сонсоод замын садаа болж тээглэсэн загтай газар олныг гатчиж, дэлхий тойртол дэмий тэнэсэндээ харамсаж билээ. Б.Чойндон. Галбын говьд., садаа орох (хүндрэл бэрхшээл гарах), садаа учрах (ямар нэгэн саад бэрхшээл тохиолдох) - Болох учиртай юм эвээ олоод ирдэг, болох учиргүй юм садаа ороод ирдэг. В.Шарма. Таван сургамж., садаа тохиолдох (ямар нэгэн саад учрах) - Урьд нь ийм садаа тохиолдож байгаагүй болохоор яг л цагтаа гэж санасан маань ийм болдог байжээ. “Цог” сэтгүүл., садаа хийх (саад болох) - Хүн туршлага солилцох гэж байхад та битгий садаа хийгээд бай гэж хэлэв. Ч.Чимид. Хавар намар., садаа барцад [хоршоо] (гай тотгор) - Манай нэгдлийн өөдлөхөд садаа барцад мундахгүй байгаа юм. Д.Цэдэв. Айргийн амт., түвэг садаа [хоршоо] (ажил хэрэгт тохиолдох бэрхшээл, хүндрэл).

замын садаа замд тохиолдох саад тотгор
садаа орох хүндрэл бэрхшээл гарах
садаа учрах ямар нэгэн саад бэрхшээл тохиолдох
садаа тохиолдох ямар нэгэн саад учрах
садаа хийх саад болох
садаа барцад гай тотгор
төвөг садаа

ажил хэрэгт тохиолдох бэрхшээл, хүндрэл