СААРЬТАХ

Арьс хуурайшиж, хаг тогтох: хөл саарьтах (хөлийн арьс саарьтай болох) - Тэрнээс хойш хурга хариулах ажил мундахгүй их болж нүцгэн гүйсээр байгаад хөл нь саарьтаж булигаар гутал шиг болов. Л.Түдэв. Нүүдэл., хөлийн ул саарьтах (хөлийн улны арьс хуурайшиж эвэршин ширүүсэж барзайх) - Хөлийн ул саарьтаж хагараад, цус гарч их өвддөг сөн. С.Удвал. Та бид уулзана., саарьтаж хатуурах (арьс хэт хуурайшиж хатуу, ширүүн болох), саарьтаж хагарах (саарь тогтсоноос арьс хуурайшиж хагарах) - Өдөр шөнөгүй хоёр хөлөө саарьтан хагартал зүтгэдэг байлаа. Д.Мягмар. Уянгын туужууд.

хөл саарьтах хөлийн арьс саарьтай болох
хөлийн ул саарьтах хөлийн улны арьс хуурайшиж эвэршин ширүүсэж барзайх
саарьтаж хатуурах арьс хэт хуурайшиж хатуу, ширүүн болох
саарьтаж хагарах

саарь тогтсоноос арьс хуурайшиж хагарах