Хамаатуулах төлөөний үгийн үндэс - Өөрийн тусыг урьд нь өг, нөхрийн тусыг сүүлд нь ав. дэлгэрэнгүй...style="font-size: 10px;">ААЗ., миний өөрийнх (хувийн юм), өөрийн шүүмжлэл (өөрийнхөө үйл явдалд шүүмжлэлтэй хандах), өөрийн өртөг (аливаа эд агуурсыг үйлдвэрлэх, бүтээхэд гаргасан зардлын нийлбэр) - Үйлдвэрлэж байгаа бүтээгдэхүүнд ямар хэмжээний зардал гаргасныг өөрийн өртгөөр харуулна. Эдийн засгийн товч толь., өөрийн муугаас болох (хувийн буруугаас болох), өөрийн эрхгүй (санаан дураар биш) - Түүнийг хараад өөрийн эрхгүй уйлж гарав. Д.Намдаг. Түүвэр зохиол., өөр зуураа (найз нөхөд буюу дотнын хүмүүс хоорондоо) - Өөр өөрийн сайн нөхдөө дурсав. Н.Банзрагч. Зам., өөр хоорондоо (гэр бүл, найз нөхөд, нэг талын хүмүүс дотроо), өөр хоорондоо хэрэлдэх (дотнын хүмүүс муудалцах), өөртөө зовлон (өөрийн биед хэцүү) - Энэ ертөнцөд гоё төрнө гэдэг өөртөө их л зовлонтой байдаг юм гэнэ билээ дээ. П.Лувсанцэрэн. Хөдөөгийн дуун., өөртөө итгэлтэй (хийж хэлж буй зүйлдээ эргэлзэхгүй байх нь), ..илэн далангүй илчилж, өөртөө итгэлтэй, хэлсэндээ үнэн голоос баярлан инээж чадахгүй л байсан даа. Л.Дашням. Бурхантын цэцэг., өөрөө өөртэйгөө ярих (аман дотроо бувтнаж ганцаар ярих) - Өөрөө өөртэйгөө ярьж байснаа... Ж.Пүрэв. Гурван зангилаа., өөрөө өөртөө хэлэх (ганцаар ярих) - Өөрөө өөртөө хэлээд дуугүй болов. Д.Мягмар. Нийлэх замын уулзварт., өөрт ноогдох (биед оногдох) - Найз нөхдөө алдсанд гуньж, үүрэг хариуцлага өөрт нь ноогдож... байгааг ухаарлаа. “Цог” сэтгүүл., өөрт дуулдах (сонсох эрхтэнд сэрэгдэн мэдрэгдэх) - Түүний зүрх өөрт нь дуулдахаар хүчтэй цохилно. Ч.Лувсанжав. Дамдины бага хүү., өөрийгөө илчлэх (биеэ илчлэх) - Өөрийгөө хүнд арай хэлдэггүй биз. Н.Банзрагч. Зам., өөрийгөө мартах (биеэ хайхрахгүй орхих), өөрөө хийх (бусад хүний туслалцаагүйгээр ганцаар хийх), өөрөө авах (биеэрээ гардаж авах) - Тэр бичгийг их жанжин Сүхбаатар өөрөө авав. Ч.Ойдов. Их жанжин Сүхбаатар танаа., өөртөө татах (бусдын анхаарлыг бие рүүгээ хандуулах) - Тэр үеийн бишрэлт хүмүүсийг өөртөө татахын тулд гурван цагаан шоог түүнд дурсган өгсөн аж. Н.Батбаяр. Өндөрт хатгасан туг., өөрөө эвдрэх (аяндаа эвдрэх), өөртөө эзэрхэх эрх (автономит эрх), өртөө засах~өөртөө тогтнох (улсын тусгаар тогтнох), хүний өөрийн [хоршоо] (өөрт болон бусдад хамааралтай зүйл) - Хүний өөрийнх гэж ялгалгүй хандах нь зүйтэй. “Цог” сэтгүүл., өөрөө унасан хүүхэд уйлдаггүй, үмхээд боссон шороо амтгүй [зүйр цэцэн үг] (өөрөө хийсэн бол яах ч аргагүй гэсэн санаа), өөрийн бодол өөртөө зөв, өрөөл даавуу өмдөндөө зөв [зүйр цэцэн үг] (хүн санаа бодлоо дагах хэрэгтэй гэсэн санаа), өөрийгөө хэлэхэд өндгөө дарсан шувуу, хүнийг хэлэхэд хүрэн эрээн бүргэд [зүйр цэцэн үг] (өөрийн гэм зэмийг үл хэлээд, бусдад хатуу хандах гэсэн санаа), өөрийн мууг хүн дээр, өвлийн хүйтнийг хавар дээр [зүйр цэцэн үг] (өөрийн байдлаа хүнээс хараад мэдэх, өвөл хэрхэн өнгөрснийг хавар болоход мэдэх гэсэн санаа).