Биеийн доод хэсгийг бүсэлхий хүртэл бүрхэх салтаатай хувцас: дотуур өмд (нүцгэн биендээ өмсдөг нимгэн дэлгэрэнгүй...өмд) - Нөгөө хоёр цэрэг над дотуур цагаан өмд бас нэг савхин гутал өглөө. Ж.Дамдин. Үймээний жил., гадуур өмд (дотуур өмдний дээр давхарлан өмсөх өмд), богино өмд (богино гуявчтай өмд) - Богино өмд цамцтай нэг хүн өндөрт үсрэн бөмбөг цохиж эсрэг талынхан нь авч чадалгүй алдах нь нүднээ тусав. С.Лочин нар. Галтай залуу нас., даавуун өмд (даавуугаар хийсэн өмд), ноосон өмд (ноосон эдлэлээр хийсэн өмд), өмдний тэлээ (өмдний захыг даран бүсэлдэг бүс) - Өмдний тэлээ тасраагүй болдоо чамайг... гэжээ. Л.Түдэв. Нүүдэл суудал., өмдний зах (өмдний хамгийн дээд буюу бүсэлхийгээр ороогдох хэсэг), өмдний гуя (хүний гуяны хэсгээр таарах өмдний хэсэг), өмдний шуумаг~өмдний шурхнаг (өмдний гуяны доод хэсэг), өмд гутал [хоршоо] (бүсэлхийнээс доош өмсдөг хувцас болон хөлд угладаг хэрэглэл), өмд цамц [хоршоо] (биеийн өмсгөл) - Хааяа даавуу өмд цамц, хөдсөн дээл зэргийг хийж өгөөд үүнийгээ арав таван лан өгсөн мэт хариу бодно. Ц.Дамдинсүрэн. Гологдсон хүүхэн., өмд баатар [яриа] (том өмд өмссөн хүн), өмдгүй байж, өвдөг цоорхойг шоолох [зүйр цэцэн үг] (өөрт байхгүй атлаа хүнд байгаа зүйлийг элэглэн шоолох гэсэн санаа), өмд хийж өгөх хүнгүй боловч өмчийг нь идэх төрөлтэй [хуучирсан] (туслах хүнгүй боловч өв залгамжлах хүн байгаа гэсэн санаа).