1. Ялгаатай, адил биш, өөр: тэс ондоо (адил биш), шал ондоо (өөр хооронд нь адилтгах дэлгэрэнгүй...ямар нэгэн шинж, төсөө байхгүй байдал), эрс ондоо (ямар нэгэн талаараа огт төсөө байхгүй, огт адилгүй) - Үзэл суртлын хувьд бас л ондоо юм захаас аван байдаг юм байна. Б.Ринчен. Өмнө этгээдэд зорчсон тэмдэглэл., ондоо мал (өөр мал) - Хуц маллахаа больё, ондоо өөр мал авъя. Б. Жамд. Сэтгэлийн нууц., ондоо ном авах (өөр ном авах), ондоо санал хэлэх (бусдын хэлснээс өөр санал хэлэх), ондоо тийшээ явах ( өөр зүгт явах), ондоо сургуульд сурах (өөр сургуульд явах), энэ ондоо хэрэг (адил биш, ялгаатай хэрэг явдал), ондоо үгээр хэлбэл (өөрөөр хэлбэл, өөр үгээр хэлбэл), *ондоо үзэх (дорд үзэж алагчлах), жил жилийн жам нь ондоо, жигүүртэн бүрийн жиргэх нь ондоо [зүйр цэцэн үг] (аливаа бүхэн бусдаас ялгарах тусгай тусгай онцлогтой байдаг гэсэн санаа), толгой ондоо бол ухаан ч ондоо [зүйр цэцэн үг] (ярьж хэлж буй өөр бол ухаан бодол нь мөн адил өөр байх гэсэн санаа);