Бусдад мэдэгдэж харагдахгүйгээр дарж далдлах - Харгис санаатнаас биднийг нууж, ариун усаараа ундалж, амтат дэлгэрэнгүй...жимсээрээ тэжээсэн юм. С.Эрдэнэ. Хонгорзул., малгайг нь нуух (малгайг нь далд хийх), модонд нуух (модонд дунд хийж далдлах) - Шаазгай зүү олоод хийх газаргүй сүлбүүлж үхсэн гэдэг шиг Хонгор авсан юмаа харанхуй модонд нуугаад бараг өдөр бүхэн очиж үздэг байлаа. Ч.Лодойдамба. Тунгалаг Тамир., нэрээ нуух (нэрээ хэлэхгүй нууцлах), санаа бодлоо нуух (санаа бодлоо хэлэхгүй байх), хар үнэгний арьс нуух (хар үнэгний арьсаа бусдад мэдэгдэхгүйг хичээн далдлах) - Намайг ганц ширхэг хар үнэгний арьс нуугаад үлдэх гэхлээр булааж авсан юм даг гэж занав. Л.Түдэв. Уулын үер., хүнээс нуух (хүнд мэдэгдэхгүйг хичээн далдлах), нуух далдлах [хоршоо] (нүдэнд үзэгдэхгүй, харагдахгүй болгох, нүднээс далд хийх), нуух дарах [хоршоо] (ямар нэгэн зүйлийг бусдад мэдэгдэхгүйг хичээн далдлах) -  Зуу То Шигийн алтан тамга ба өргөмжилсөн бичгээ цөм яг таг нууж дараад дагаж ирсэн ардын зүг... явлаа. В.Инжаннаши. Хөх судар., нуух хаах [хоршоо] (ямар нэгэн зүйлийг бусдад үзүүлж харуулахыг хүсэхгүй байх), муу нуухаар сайн илчил [зүйр цэцэн үг] (ямар нэгэн зүйлийг нууж чадахгүй бол далдлах хэрэггүй шударга бай гэсэн санаа), нуувч нуруу нь илхэн, далдлавч дал нь илхэн [зүйр цэцэн үг] (булхайг хэдий нуун далдлавч илрэх гэсэн санаа).