Нийтэд үзүүлж, мэдэгдэж болохгүй далдалбал зохих юм - Горьдлыг сэдэвлэх нууцыг хуяг Бизъяа хадгалан нөгчив. дэлгэрэнгүй...
З.Баттулга. Хөх тэнгэр., нууц ажил (мэдэгдэхгүй, далдуур хийх ажил), нууц байгууллага (үйл ажиллагаагаа далд явуулах байгууллага), нууц нэр (жинхэнэ нэрээ нууж, өөр нэрээр нэрлэсэн нь), нууц мэдээ (олонд зарлаж болохгүй далдалбал зохих мэдээ) - Тэднийг мордсон хойгуур Ардын засгийн газраас төлөөний түшмэл Доржийн нэр дээр нэгэн нууц мэдээ иржээ. С.Дашдэндэв. Улаан наран., нууц санал өгөх (саналаа бичгээр өгөх), нууц сонгууль (сонголтоо далдалж өгөх сонгууль), нууц үг (зориуд зохиосон, бусдын мэдэхгүй түлхүүр үг) - Шодоод Чойбалсанг явуулах болж, харилцах утасны нууц түлхүүрийг зохиосон шүү дээ гэж Дорж дотроо бодож суув. С.Дашдэндэв. Улаан наран., нууц тасалгаа (нүдэнд ил үл харагдах өрөө), нууц үе (халдварт өвчний нян тархсанаас хойш эмнэл зүйн анхны шинж тэмдэг илрэх хүртэлх хугацаа), нууц хэрэг (олны өмнө дэлгэж болохгүй хэрэг) - Тэр захирал үүнд нэг базаахгүй нууц нуугдсаар байгааг мэдэрсэн. Д.Дашдондог. Үүрийн цолмон., нууцын эрхлэгч (нууц албан хэргийг эрхлэх албан тушаал бүхий хүн), нууц амраг (янаг амрагийн далд холбоо бүхий хүн) - Тариачны эхнэр нууц амрагтайгаа учирч сэтгэл санаа хангалуун инээж хөөрсөөр буцаж ирэв. В.Шарма. Таван сургамж., нууц гишүүн (олон нийтийн байгууллагын гишүүн атал нууцаар даалгавар биелүүлдэг этгээд), улсын нууц (тухайн улсын бусдад мэдэгдэж болохгүй гэж хуулиндаа заасан хэрэг явдал), нууц задруулах (далдалбал зохих зүйлийг бусдад мэдэгдэх), нууцыг мэдэх (нууж байсан зүйлийг нь мэдэх), нууц хадгалах (далдалбал зохих зүйлийг өөр бусдад мэдээгдэхгүй байлгах), нууцаар харах (хүний нүдийг хариулж сэм харах), нууц эрхтэн ~ нууцын орон (бэлгэ эрхтэн), нуурын захад нугас сайхан, нууцаар ханилсан янаг сайхан [зүйр цэцэн үг] (өөрийн болгоогүй зүйл илүү сайхан харагддаг гэсэн санаа).нууц ажил | мэдэгдэхгүй, далдуур хийх ажил |
нууц байгууллага | үйл ажиллагаагаа далд явуулах байгууллага |
нууц нэр | жинхэнэ нэрээ нууж, өөр нэрээр нэрлэсэн нь |
нууц мэдээ | олонд зарлаж болохгүй далдалбал зохих мэдээ |
нууц санал өгөх | саналаа бичгээр өгөх |
нууц сонгууль | сонголтоо далдалж өгөх сонгууль |
нууц үг | зориуд зохиосон, бусдын мэдэхгүй түлхүүр үг |
нууц тасалгаа | нүдэнд ил үл харагдах өрөө |
нууц үе | халдварт өвчний нян тархсанаас хойш эмнэл зүйн анхны шинж тэмдэг илрэх хүртэлх хугацаа |
нууц хэрэг | олны өмнө дэлгэж болохгүй хэрэг |
нууцын эрхлэгч | нууц албан хэргийг эрхлэх албан тушаал бүхий хүн |
нууц амраг | янаг амрагийн далд холбоо бүхий хүн |
нууц гишүүн | олон нийтийн байгууллагын гишүүн атал нууцаар даалгавар биелүүлдэг этгээд |
улсын нууц | тухайн улсын бусдад мэдэгдэж болохгүй гэж хуулиндаа заасан хэрэг явдал |
нууц задруулах | далдалбал зохих зүйлийг бусдад мэдэгдэх |
нууцыг мэдэх | нууж байсан зүйлийг нь мэдэх |
нууц хадгалах | далдалбал зохих зүйлийг өөр бусдад мэдээгдэхгүй байлгах |
нууцаар харах | хүний нүдийг хариулж сэм харах |
нууц эрхтэн~нууцын орон | бэлгэ эрхтэн |
нуурын захад нугас сайхан, нууцаар ханилсан янаг сайхан | өөрийн болгоогүй зүйл илүү сайхан харагддаг гэсэн санаа |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он