1. Монгол дээлийн ханцуйны үзүүрт хийх туурайн хэлбэртэй хөвөө - Уулын жавар унана хэмээн унаган туурай нударга дэлгэрэнгүй...тавилаа. Д.Пүрэвдорж. Хөх даалимбан тэрлэг., нударга буулгах (а. Нударгаа доош нь унжуулах - Тэгснээс дээлийн нударгыг буулган хоёр ханцуйгаа нийлүүлэн хоёр нударганы омгийг гадагш хандуулан баривал яг л ембүү мөнгө мэт харагдана. Х.Нямбуу. Хамгийн эрхэм ёсон; б. [шилжсэн] Зодох), нударгаа сэгсчих (дээлийн үзүүрт байх туурайн хэлбэрт зүйлээ олон дахин сэгсрэх) - Нударгаа сэгсчин ялаа шумуул үргээнэ. О.Цэндсүрэн. Халуун салхи., нударга сөхөх (нударгаа эргүүлэх), нударга тавих (нударга унжуулах), нударга шамлах (нударгаа сөхөн зодохыг завдах), булган нударга (булганы арьсаар хийсэн нударга) - Булган нударгаа буулгаад, буруу зөвгүй дэвээд… байж гэнэ. Халх ардын тууль., хар хурган нударга (хар хурганы арьсаар хийсэн нударга), нударган үндэс [ургамал] (өндөрдүү, модон дотор ургадаг олон наст өвс; үндэс нь эмд орно), шувуун нударга [ургамал] (ууланд ургах, үндсээр нь гурил хийж идэх нэг зүйл навчирхаг ногоо);