Тархи болон хүний ухамсарт үйл ажиллагаа хагас сааталд орох физиологийн үйл - Жаал хүү байгаль нойроос сэрж, дэлгэрэнгүй...ажилдаа орж байгааг гайхан харж бодлогошров. Марк Твен. Том Сойерын адал явдал., нойр авах (унтах), нойронд дарагдах (өөрийн эрхгүй унтах, бөх унтах), дуг нойрон дундаа (бөх сайн унтаж байх үед), нойр дийлэх (тархи болон хүний ухамсарт үйл ажиллагаа өөрийн эрхгүй сааталд орж унтах), нойр хүргэх (гаднын ямар нэгэн нөлөөллөөс болж бие хүндрэн нозоорч унтмаар болох), нойр хүрэх (өөрийн эрхгүй унтмаар болох), нойр сэргэх (нойр хүрэхээ болих), нойр тэвчих (унтахгүй байхыг хичээх), нойр хулих (түр зуур сэрж, түр зуур унтах; унтаа сэрүүн хоёрын дунд байх), нойр хулжих (нойр сэргэж унтаж чадахгүй болох) - Гэвч Батын нойр хулжина. Ч.Лодойдамба. Тунгалаг Тамир., нойр дутуу (сайн унтаж амарч чадаагүй нь), нойр гүйцэд (сайн унтаж амарч чадсан нь), нойр муутай (а. Ханатлаа унтаж чадаагүй, дутуу унтсан нь; б. Нойр нь хүрэхдээ муу), нойр сайтай (а. Сайхан унтдаг; б. Нойр нь хүрэхдээ сайн, тайван унтаж амарч чаддаг), нойр багатай (унтамхай биш, бага унтдаг), нойр ихтэй (унтамхай, их унтдаг), нойр ханах (ханатлаа унтаж амарсан байх), нойронд сэргэг (хурдан сэрдэг), нойрны эм (а. Унтуулдаг эм; б. [шилжсэн] Залхуутай, уйтгартай зүйл), зүүд нойр [хоршоо] (унтаж байх үеийн сэтгэхүйн үйлдэл), шүлэг нойр [хоршоо] (бөх унтаж, сайхан зүүд зүүдлэх нь) - Шөнө дундын алдад шүлэг нойрны захад орон гэрээсээ гарч, оргон яваад өгчээ. Халх ардын тууль., нойрны тулам (унтамхай, нойр ихтэй), нойр хоолоо мартах (юмыг бүтээх гэж ихэд махран зүтгэх, ажиллах) - Данжуур аль нэг ажилд томилоход дуртайяа зөвшөөрдгийн дээр тэр л ажлыг гүйцэтгэхийн төлөө бараг нойр хоолоо мартан зүтгэдэг хүн байжээ. С.Дашдооров. Говийн өндөр., нойр хоолоо хасах (ямар нэгэн зүйлийг хийж бүтээхийн төлөө идэх унтахаа умартан зүтгэх), нойронд сэргэг, номонд мэргэн [зүйр цэцэн үг] (цовоо сэргэлэн гэсэн санаа), нойр ахадвал өвчин болно, дайр ахадвал яр болно [зүйр цэцэн үг] (аливаа зүйл хэмжээнээсээ хэтрэх гэсэн санаа), нойрноос морио, чөмөгнөөс хутгаа [зүйр цэцэн үг] (бага зүйлээс болж их зүйлээ алдах гэсэн санаа).