1. Сайны эсрэг утга, аливаа хэрэг явдал, юмны чанаргүй - Магсаржавын нойр хулжиж цэргүүдийн хувцас хунар муу, хоол дэлгэрэнгүй...
хүнс холоос татах болсныг бодов. С.Удвал Их хувь заяа., муу заяа (сайн биш, бүтэлгүй хувь тавилан) - Зовж явах муу заяатай хүн юм даа. Ч.Ойдов. Түүвэр зохиол., муу мянган (өвөр монголын нэгэн аймаг), муу олгой (мухар олгой), муу сархинаг (хэвэгч амьтны гүзээний хажууд байх салбан), муу сайн [хоршоо] (а. Сайн муу нийлсэн; б. Үл тоомсорлосон санааг илтгэхэд хэрэглэнэ), сайн муу [хоршоо] (а. Чанартай болоод чанаргүй; б. Ашигтай болоод ашиггүй аль аль нь);муу заяа | сайн биш, бүтэлгүй хувь тавилан |
муу мянган | өвөр монголын нэгэн аймаг |
муу олгой | мухар олгой |
муу сархинаг | хэвэгч амьтны гүзээний хажууд байх салбан |
муу сайн | а. Сайн муу нийлсэн; б. Үл тоомсорлосон санааг илтгэхэд хэрэглэнэ |
сайн муу | а. Чанартай болоод чанаргүй; б. Ашигтай болоод ашиггүй аль аль нь |
муу хүн | а. Хорон муу санаатай, хүний мөсгүй хүн; б. Худалч хулгайч |
муу санаа | хорон санаа |
муу санах | хар санах, хардан сэжиглэх |
мууг нь дуудах | бусдын бусармаг, буруу явдлыг ил хэлэх |
муугаар эргэх | буруугаар эргэх |
мууг нь үзэх | зовоох, шаналгах |
сайн санааны үзүүрт тос, муу санааны үзүүрт зүү | сайн санавал ажил бүтэмжтэй, муу санавал бүтэмжгүйгээс гадна хорлонтой гэсэн санаа |
муу хүн сонжооч, мухар үхэр сэжээч | хэр чадлаа мэдэхгүй байж юм бүхнийг голох гэсэн санаа |
сайнтай нөхөрлөвөл сарны гэрэл, муутай нөхөрлөвөл могойн хор | муу хүн гай тарьдаг гэсэн санаа |
бие муу | а. Өвчтэй, бие сул; б. [хуучирсан] Жирэмсэн |
ажилд муу | ажил хийж сураагүй, ажилд бүтэлгүй |
муу өдөр | а. Ажил үйл хийхэд бүтэл муутай өдөр; б. Бороо цас салхи шуургатай өдөр; в. [хуучирсан] Ажил үйл хийж болохгүй гэсэн цээртэй өдөр |
муу байх | сайн биш байх |
муу ёр | сайн биш зүйл зөгнөсөн |
муу цаг | а. [хуучирсан] Цөвүүн цаг; б. Хүнс тэжээл ховор хомс, хэцүү бэрх цаг |
хэл муу сурсан | гадаад хэл тааруу сурсан |
үхээнц муу | дорой буурай |
муу муудаа ноён | хоёул адил атлаа нэгэндээ дээрэлхүү зан гаргах гэсэн санаа |
муу эр дайнд хөөрөх | мулгуу хүн учир мэдэхгүй онгирох гэсэн санаа |
муу л бол хойд захын хар овоохой | сул дорой, муу руугаа юм болгоныг тохох гэсэн санаа |
муугийн ёс биш, монголын ёс | хүн ёс заншлаа баримталж бай гэсэн санаа |
муу охин минь | хөөрхий охин минь |
муу өвгөн минь | хөөрхий нөхөр, хань минь |
сайн муу нийлж хорвоо бүтэн болдог - алаг хорвоо, бөөрөнхий хорвоо гэсэн санаа
Тэмээч Г.Эрдэнээцогт2015-12-30 22:03:15
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он