Цэцэг, навчгүй, шүхэр мэт малгай, бөөрөнхий баганан хэлбэртэй иш бүхий, ой шугуй, хээр талд ургадаг, төрөл зүйлийн дэлгэрэнгүй...хувьд олон доод төрлийн ургамал - Шилэн дарлагад ойн мөөг ургаж өнгө бүрийн цэцэг дэлгэрч байгааг харж билээ. М.Чойжил. Андын нутаг алсдахгүй., хүнсний мөөг (утах, давслах, дарах зэргээр боловсруулж хүнсэнд хэрэглэдэг мөөг), цагаан мөөг (цагаан өнгийн нэгэн зүйл хүнсний мөөг), хар мөөг (хар элэгтэй нэгэн зүйл хүнсний мөөг), хурган мөөг (талын цагаан мөөгний нэгэн зүйл, маш жижиг, амт сайтай), хурган цагаан мөөг (ургаад удаагүй жижигхэн цагаан мөөг), хүрэн мөөг (иш нарийн бөгөөд хүрэн шүхэртэй нэгэн зүйл хүнсний мөөг), шар мөөг (модонд ургах шаравтар өнгийн нэгэн хүнсний мөөг), мөөгний толгой (малгайт мөөгний оройд байх шүхэр мэт зүйл), мөөгний бариул (мөөгний малгайнаас доош байдаг бөөрөнхий багана хэлбэрийн иш), мөөгний хүрээ (мөөг ургадаг дугуй буурь), мөөгний малгай (малгайт мөөгний ишний оройд байх шүхэр мэт зүйл), мөөгний шүхэр (мөөгний малгай), мөөгний салбан (мөөгний малгай дотор байдаг нимгэн ялтаснууд), мөөгний манан (хөглөрсөн их манан; ийм мананд мөөг сайн ургадаг) - Наран огшмогц газраас тасарч ядсан мөөгний манан нэвсийн хөглөрч, жихүүн салхи сэвэлзэн, хүний сэтгэлийг эмзэглүүлэх байгалийн хувирал юутай гайхам. З.Баттулга. Уяхан замбуутив., мөөг дарах (мөөгийг хүнсэнд хэрэглэхээр нөөцлөх, давсалж хадгалах), мөөг түүх (ой, хээрээс мөөг цуглуулж авах), мөөг хатаах (мөөгийг түүгээд шорооноос нь цэвэрлэн ус, чийггүй болгох), мөөг хүрээлэх (мөөг дугуй хүрээ үүсгэн ургах), мөөгөн утаа (атомын бөмбөгийн дэлбэрэлтээс гардаг мөөгөн хэлбэрт утаа), *борооны дараах мөөг шиг (ямар нэгэн зүйл богино хугацаанд хэтэрхий олон болох), мөөгний хүрээнд мөлхөж, мөнгөний хүрээнд хахна [зүйр цэцэн үг] (ховдог шунахай гэсэн санаа), мөөг шиг ургадаггүй, мөндөр шиг унадаггүй [зүйр цэцэн үг] (ажил хэрэг өөрөө бүтдэггүй гэсэн санаа).