Зуны улиралд үүлэн доторх борооны усан дуслууд өндрийн хүйтэн агаарт огцом хөлдөж, янз бүрийн хэмжээ бүхий бөөрөнхий дэлгэрэнгүй...үрэл хэлбэртэй мөс болон буух тунадас: мөндөр орох (бөөрөнхий, мөсөн тунадас орох), мөндөр цохих (үр тариа мэт зүйл мөсөн тунадаст цохигдон газарт унах), бороо мөндөр [хоршоо] (жижиг мөсөн тунадастай хур) - Мөст уулын оройдоо мөндөр бороо шаагьж… Монгол ардын уртын дуу., аянга мөндөр [хоршоо] (тэнгэрт хуралдсан цахилгаан цэнэг болон агаарын мөсөн тунадас), *мөндөр буулгах (ямар нэгэн зүйлээр зай завсаргүй шидэх, чулуудах), чулуун мөндөр буулгах (чулуугаар зай завсаргүй шидэх), *мөндөр шиг асгарах (зай завсаргүй, их хэмжээгээр асгарах) - Дайсны хүнд хөнгөн пулемёт, их бууны сум мөндөр шиг асгарч эхэлжээ. Т.Рэнцэн. Шинэ даваа., мөөг шиг ургадаггүй, мөндөр шиг унадаггүй [зүйр цэцэн үг] (аливаа ажил хэрэг тухайн хүнээс өөрөөс нь шалтгаалах гэсэн санаа).