1. Аливаа юмны тогтоол, жам ёс, хууль: зүй бус (жам ёсноос гадуур) - Малын зүй бус хорогдлын дэлгэрэнгүй...ихэнх хувийг төлийн хорогдол эзэлж байна. Б.Бааст. Алтайн хөх дөнөн., зүйн хэрэг (зүй зохис бүхий явдал), зүй ёс [хоршоо] (зүй зуршил, зөв ёс), зүй зарчим [хоршоо] (зүй дэг), зүй зохис [хоршоо] (ая эв, нийлэмж боломж), зүй зүйгээр [хоршоо] (а. Ёс журмын дагуу; б. Дутуугүй бүрэн - Алх Сүх ах дүү хоёулыг аван ирж Тайзуд золгож, Хэрэйдийн хэргийг зүй зүйгээр мэдүүлж, эзэн түшмэл бас нэгэн зэрэг инээцгээв. В.Инжаннаши. Хөх судар).,  зүй тогтол [хоршоо] (тогтсон хууль ёс, тогтолцоо, учир зүйгээр тогтож хэвшсэн зүйл), зүй тогтоол [хоршоо] (жам ёс, зүй журам) - Зуурдын энэ үерүүд биш, зүй тогтоолын үер гэж бий. Б.Явуухулан. Тэхийн зогсоол., ая зүй [хоршоо] (эв зүй, зохис), байдал зүй [хоршоо] (байдал дүр), ёс зүй [хоршоо] (байвал зохих шаардлага, дэг), учир зүй [хоршоо] (а. Юм үзэгдлийн жам ёс; б. Логик), эв зүй [хоршоо] (нөхөрсөг нийц);