1. Хүн юмны тухай асуух, лавлах, ялгах, заах утгатай төлөөний үг: аль хүн бэ? (хэн нь бэ?), дэлгэрэнгүй...
алийг нь авах вэ? (юуг нь авах вэ?), аль зүгээс ирэв (хаанаас ирэв), аль нь вэ? (а. Ямар нь вэ?; б. Хэн нь вэ? - Наргиж шуугиж байдаг болсон нь аль вэ?. Ж.Пүрэв. Гурван зангилаа), аль аль нь (хоёул) - Гадаа шарах нарны халуун, гэрт галын халуун, бас уух цайны халуун нийлж, гэрийн эзэн, ирсэн зочин аль алины нь хөлсийг асгаруулжээ. С.Дашдооров. Говийн өндөр., аль газар (ямар газар), аль зүг (ямар зүг), аль зэрэг (хэр зэрэг), аль морь (ямар морь), аль сайныг нь (илүү сайныг нь), аль хэр (ямар хэр), арван хурууны алийг нь ч хазсан адилхан өвддөг [зүйр цэцэн үг] (хоорондоо холбоотой зүйлийн нэг нь л болохгүй л бол бүгд болохгүй гэсэн санаа);аль хүн бэ | хэн нь бэ |
алийг нь авах вэ | юуг нь авах вэ |
аль зүгээс ирэв | хаанаас ирэв |
аль нь вэ | а. Ямар нь вэ; б. Хэн нь вэ - Наргиж шуугиж байдаг болсон нь аль вэ. Ж.Пүрэв. Гурван зангилаа |
аль аль нь | хоёул |
аль газар | ямар газар |
аль зүг | ямар зүг |
аль зэрэг | хэр зэрэг |
аль морь | ямар морь |
аль сайныг нь | илүү сайныг нь |
аль хэр | ямар хэр |
аль байдгийг нь илчлэх | хамаг байдгийг нь илрүүлэх |
аль болох аргаар | болбол эв зүйгээр |
аль муугаа үзэх | хамаг зовлонгоо эдлэх |
аль мууг нь дуудах | бүх мууг нь дуудах, хэлэх |
аль болохуйц | байгаа боломжийнхоо хэрээр |
аль чадах чинээгээр | хэр чадлаараа |
алийг нь тэр гэх вэ | бишгүй байдаг юм |
аль ч үгүй | юу ч үгүй |
аль дивангарын | маш эртний |
аль хэдийн | хэзээний |
аль эрт | маш эрт |
аль газар явбал тэр газрын дууг дуулна | явсан газрынхаа ёс заншлыг дагах гэсэн санаа |
арван хурууны алийг нь ч хазсан адилхан өвддөг | хоорондоо холбоотой зүйлийн нэг нь л болохгүй л бол бүгд болохгүй гэсэн санаа |
аль байдаг | байгаа бүхэн, бүх зүйл |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он