1. Чих огт сонсохгүй, сонсгол нь муу: дүлий дүгэх (а. Буруу ташаа сонсох; б. Дүлий дүмбэ оргих), дэлгэрэнгүй...
дүлий хүн (сонсгол муу хүн) - Харин эмэг эх чих дүлий учир чин сүсгээр наманчилж хэнэггүйхэн сууна. З.Баттулга. Уяхан замбуутив., нохойгүй айл дүлийтэй адил, номгүй хүн сохортой адил [зүйр цэцэн үг] (хүн эрдэм ном сурахгүй бол хэцүү гэсэн санаа), дүлийдээ найдаж унгараг [зүйр цэцэн үг] (зохисгүй юманд найдах хэрэггүй гэсэн санаа), нүдэн балай, чихэн дүлий [зүйр цэцэн үг] (тухайн зүйлд дургүй учраас үзээгүй, сонсоогүй мэт байх нь) - Долгорын зовж шаналж байгааг хараад Должин бах нь ханаж, дотроо хязгааргүй баярлавч Итгэлтээс айгаад энэ бүхнийг мэдэхгүй хүн болж, нүдэн балай, чихэн дүлий мэт явдаг байжээ. Ч. Лодойдамба. Тунгалаг тамир., *таг дүлий (огт юм сонсохгүй, сонсголгүй) - Өрөөсөн чих нь таг дүлий, дүлий ч гэсэн хүнтэй хэрэлдэх доромжлохдоо Хараадаа л лав хүнийг урдаа оруулдаггүй байсан. Р. Ганбат. Хужир нугадаа очих юмсан;дүлий дүгэх | а. Буруу ташаа сонсох; б. Дүлий дүмбэ оргих |
дүлий хүн | сонсгол муу хүн |
нохойгүй айл дүлийтэй адил, номгүй хүн сохортой адил | хүн эрдэм ном сурахгүй бол хэцүү гэсэн санаа |
дүлийдээ найдаж унгараг | зохисгүй юманд найдах хэрэггүй гэсэн санаа |
нүдэн балай чихэн дүлий | тухайн зүйлд дургүй учраас үзээгүй, сонсоогүй мэт байх нь |
таг дүлий | огт юм сонсохгүй, сонсголгүй |
дүлий балай | ажиггүй балай |
дүлий хүүхэд | ажин дөжин хүүхэд |
дүлий толгой | ер үг авдаггүй этгээд |
дүлий дөжин | ажиг сэрэггүй, анхааргагүй, тоомжир муутай |
дүлий дүмбэ | огт сонсоогүй мэт хэнэггүй байдал |
дүлий царайлж дүмбэ оргих | ямар ч юм болж байсан тоохгүй, үл мэдэгч царайлах гэсэн санаа |
дүлий боов | хөөцгүй, салбангүй цул боов |
дүлий бул | а. Голыг нь шувт нүхлээгүй ин, үтрэмийн бул; б. Тэргэний хүрдэнд хэрэглэх тэнхлэг, хэгээсний нүх гаргаагүй бул |
дүлий хаалга | цонхгүй битүү хаалга |
дүлий дүлэр | ажин түжин |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он