1. Зургаа дээр нэгийг нэмсэн нийлбэр: долоо дахь (долоодугаар; долоодугаарт тохиох нь), долоо дэлгэрэнгүй...хоног (долоон өдөр, шөнөтэй тэнцүү хоног тооллын нэгж) - Сүүлд аав нэг баян айлд долоо хоног тууль хэлж, ярьж, шанд нь олсон нум сумаа надад өгсөн юмаа. Ш. Нацагдорж. Мандхай цэцэн., долоон өвгөн [одон орон] (долоон бурхан од), долоон шар (наймаас нэг дутуу тооны эр үхэр), долоон эрдэнэ (бурхны шашны ном сударт гардаг долоон зүйлийн эрдэнэс: бадмаараг, индранил, биндэрьяа, маргад, доржпалам, сувд, шүр), долоо дордож, найм сэхэх [зүйр цэцэн үг] (амьдралд юу ч тохиолдож болно, гагцхүү зорьсон хэргийнхээ төлөө шантрахгүйгээр тууштай тэмцэх хэрэгтэй гэсэн санаа), долоо шархадсан чоно [зүйр цэцэн үг] (амьдралын хүнд бэрхийг биеэрээ амссан хүнийг зүйрлэх хэллэг) - Долоон дайсныг дол цохиж, долоогоно модыг долор татах. Ж.Дашдорж. Монгол цэцэн үгийн далай., долоон бурхан [одон орон] (умардад орших долоон их од) - Тэнгэрт шанаган хэлбэрт долоон бурхан од ер бусын том болж гэрэл цацруулан байна. С. Эрдэнэ. Анчны гэргий;