Дадах үйлийн нэр; үргэлжлэн давтагдсаар дадлага болсон зүйл, хэвшил, зуршил: дадал болох (хэвшил дэлгэрэнгүй...болох) - Үдэш бүрий ингэдэг нь энэ хотынхны ердийн дадал болсон юмсанжээ. З.Баттулга. Уяхан замбуутив., дадал олох (туршлагажих), дадал суух (дадлагажих), дадал заншил [хоршоо] (хэв журам болгосон ёс) - Батаа, бас эрдэм шинжилгээний ажилтан бидэнд ажлын урам зориг, аливааг мэдрэх мэдрэхүй, аж амьдралын дадал заншил, өөрийн ааш араншин, ёс суртахууны хүмүүжил чухал хэрэгтэй. Ш. Ванчаарай. Нугын цэцэг дэлгэрэхээр., дадал зуршил [хоршоо] (хэвшил), дадал туршлага [хоршоо] (дадлага туршлага) - Өөрийн сэтгэл санаа зовох ба дадал туршлага багатайгаа далдалсан ч үгүй. Жюль Верн. Арван таван наст капитан., авьяас дадал [хоршоо] (чадвар дадал), хэвшил дадал [хоршоо] (хэвшиж тогтсон зуршил), чадал дадал [хоршоо] (аливаа зүйлийг хийж гүйцэтгэх чадвар, дадлага), чадвар дадал [хоршоо] (чадал дадал).