1. Хал хашир үзээгүй, осолдох эндэхдээ хялбархан: гэнэн сэтгэл (цагаан цайлган сэтгэл) - Айхгүй ч дэлгэрэнгүй...гэсэн аягүй гэгчээр муу золиг чинь сэтгэлд ороод л байх юм гэж цэрэг гэнэн цагаан сэтгэлээр хэлэв. Ч.Лодойдамба. Тунгалаг Тамир., гэнэн бага (хал үзээгүй бага) - Гэнэн бага насандаа хийсэн алдааныхаа уршгийг хорин жил эдэлж байна. С.Лочин. Газрын дуун., гэнэн гилгэр [хоршоо] (сэргэггүй хялбар) - Гэнэн гилгэр чамтайгаа суухын чинээ саналаа. Арван гурван хүлгийн дуун., гэнэн хуумгай [хоршоо] (хөнгөн хийсвэр, хашир болгоомжгүй) - Ухаан санаа маш гэнэн хуумгай нь гайхмаар. Н.Лесков. Зовлонгийн далай., гэнэн ховдог тогоогоо, хэрсүү ховдог галаа [зүйр цэцэн үг] (гэнэн туршлагагүй хүн амжилт олохгүй гэсэн санаа);