Юмны сэтгэлд зохистой, үзэмжтэй, сайхан байдал: гоо бүсгүй (сайхан бүсгүй) - Хөгшний яриагаар дэлгэрэнгүй...бол, миний сэтгэлдээ зурж бүтээсэн тэр гоо бүсгүй яах аргагүй мөн шиг санагдаж, ядаж нэг удаа ч болохноо хараад авахсан гэсэн орь хүслэн намайг унтуулж хэвтүүлсэнгүй. До. Цэнджав. Чисжүүний хээ., гоо засал (гоо сайхан болгох ажилбар), гоо зүй (урлаг, байгаль, хүний амьдралын гоо сайхан, түүний хөгжил, үүсэл, мөн чанар, зарчим, ерөнхий зүй тогтол тэргүүтнийг судлах гүн ухааны сургаал), гоо зүйн онол (гоо сайхны ерөнхий зүй тогтлыг судлах онол), гоо зүйн таашаал (гоо сайхны сэтгэл ханамж) - Ингэхээр өнөөгийн хүний гоо зүйн таашаал, эрэлт хэрэгцээ өөр болж дээ. Ц. Хасбаатар. Урлаг байсан цагт реализм байх л болно., гоо зүйн хүмүүжил (гоо сайхны таашаал олгох сургаал), гоо зүйч (байгаль, нийгмийн юмс үзэгдлийг, гоё сайхан чанарын үүднээс судалдаг хүн), гоо сайхан (маш сайхан) - Хурдан цагаан хэмээгч цэцэг хоёргүй гоо сайхан буюу. Эрт эдүгээгийн гайхамшигт сайхан үзэгдэл хэмээх судар., гоо үзэсгэлэн [хоршоо] (юмны гадаад үзэмжит байдал) - Хонгорзул хүүхэн маш гоо үзэсгэлэн, цэцэн мэргэн, Сайхан сурталт лугаа маш тэнцэнэ. В.Инжаннаши. Хөх судар., ариун гоо (ариун гоё), байгалийн гоо (байгалийн сайхан үзэмж), уран гоо (уран гоё) - Том хар нүдтэй, цав цагаан царайтай, эмэгтэй хүний гоо үзэмж бүрдсэн сайхан хүүхэн байлаа. П.Хорлоо. Багш., гоо мод [ургамал] (цэцэрлэг хүлэмжид тарьдаг бут мод; чимэглэлд хэрэглэнэ, цом хэлбэрийн баг цэцэг мөчрийнх нь оройд ургадаг).