Ургамал тачир сийрэг, ой мод ба урсгал ус маш ховор, элс хайрган хөрстэй, тарвага нутагшдаггүй, хээр тал газар - дэлгэрэнгүй...Говь нутагтаа сайхан аж төрөхийн тул хүч хөдөлмөрөө хайргүй зүтгэдэг. С.Удвал. Та бид уулзана., говь газар (говь нутаг) - Бас л эргэх дөрвөн улирал ээлж ээлжээр ирж намрын цаг болж байсан боловч говь газар дулаан хэвээр л байлаа. С. Удвал. Одгэрэл., говь тал (хээр тал) - Цасанд даруулсан их говь тал өвлийн цонхир наран дор нэг л уйтгартай гэмээр чимээ аниргүй гялтайн цайрна. С. Надмид. Хар нүдэн., элсэн говь (элсэн цөл) - Хүн цөөхөнтэй, асар их баялагтай, гайхалтай өвөрмөц энэ орон элсэн говь, нүцгэн уул нуруу, ой шугуй, хээр талаар төдийгүй, өсөлт хөгжилт, ардынхаа зан заншлаар хэний ч сонирхлыг татна шүү. Д. Гармаа. Харуул Алтай., говь цөл [хоршоо] (ургамал тачир сийрэг, усгүй шахам хээр тал газар ба байнгын хуурай амьсгалтай байгалийн бүс) - Голын усыг гатлахад угаасаа говь цөлөөс гаралтай тэмээнүүд хамар шуухитнуулан хавтгай цагаан тавхайгаа дээр дээр өргөн пүл пал хийлгэн гишгэлнэ. Д. Намдаг. цаг төрийн үймээн., хангай говь [хоршоо] (уул, ус жигдэрсэн газар болон тал хээр бүхий элс зонхилох газар), говьд хүн болсноос хангайд бух бол [доромж] (говьд амьдрахад тэвчээр болон их хөдөлмөр шаардах тул түүнээс халширсан залхаг хүний үг), говийн ганга [ургамал] (говийн бүсэд ургадаг нэгэн зүйл эмийн ургамал), говийн шар [ургамал] (хужирлаг хөрстэй газар, мөн нуур бүрдийн эрэг хавиар ургадаг нэгэн зүйл бударгана), говийн гүрвэл [амьтан] (зүс нь элсний өнгөтэй адил нэг зүйл могой гүрвэл), говийн зулман хуруут [амьтан] (Улаан номд бичигдсэн маш ховор гүрвэл), говийн шар [амьтан] (говьд байдаг цайвар шар өнгөтэй нэг зүйл аалз).