Бороо ус ховордсоноос өвс, ургамал хатаж хэт хуурайших гамшиг; ган болох (ус бороо ховор болж өвс дэлгэрэнгүй...ургамал хатах) - “Хар үзүүрийн сайрын чулуу халуун наранд хагарсан гэхийг бодвол энэ жил тун айхтар ган болох нь уу даа” гэж ам ам дамжин гайхан ярилцаж байтал ашгүй зуны эхэн сарын сүүлчээр тэнгэр цоохорлосон үүл гарч, энд тэнд сүүдэр дайрах үзэгдэв. П. Баярсайхан. Хөгшид., ган тайлах (хур орох, газрын хөрсөнд чийг өгөх) - Миний хойноос элэг зүрхээ эмтэртэл гашуудаж суулгүй амьжирлагаа бодож, ган тайлагдсан цагт эсэн мэнд эх нутагтаа буцаарай. С.Эрдэнэ. Нарангаравуу., ган гачиг [хоршоо] (ус чийггүй хуурай халуун болж, амьдрал гачигдах нь) - Энэ дэлхийд долоон нар гараад, ган гачиг болоод байсан гэнэ. Монгол ардын үлгэр., ган зуд [хоршоо] (цаг агаарын таагүй нөхцлийн улмаас бэлчээр хомсдох байгалийн гамшиг) - Галын бурхнаа тахиж, ган зудыг арилгаад яваарай даа. Шүлэгч Лувсандондовын бүтээл., ган халуун [хоршоо] (хуурай халуун) - Ган халуун наранд гандах нь яасан дэлхий вэ? Монгол ардын уртын дуу., ган болоход булгийн сайн нь мэдэгдэнэ, гай болоход нөхрийн сайн нь танигдана [зүйр цэцэн үг] (хэцүү хатуу цагт хүний мөс чанар танигдана гэсэн санаа), ган ихэдвэл хужир хөхрөх, гашуун ихэдвэл нүд хорсох [зүйр цэцэн үг] (муу юм туйлдаа хүрвэл хор хөнөөл нь их болно гэсэн санаа).