ГАН I

1. Төмрийг нүүрстөрөгч болон бусад хольцтой хайлуулан гаргасан мөнгөлөг цайвар өнгөтэй хатуу төмөрлөг - Ган гэгч дэлгэрэнгүй... ААЗ., ган татах (төмөрлөг эдлэлд ган суулгах), ган хайлах (ганг хайлмал байдалтай болгох), ган зам (төмөр зам) - Газар дээр ган зам хязгааргүй зурайна. М.Ширчинсүрэн. Өрнө зүгийг барин давхина., ган илд (гангаар хийсэн илд) - Тулалдах дайснаа чичрүүлэн сөгдөөдөг, хат нь гүйцсэн ган илд шиг эр дээ. Ж. Пүрэв. Аянга., ган сэлэм (хатан сэлэм) - Орос дарга толь мэт гялалзсан ган сэлмээ цахилгаан цахих адил түргэнээ хуйгаас сугалан далайв. Л.Түдэв. Алтан гадас чигийг заана., зэвэрдэггүй ган (зэвэнд тэсвэртэй ган), ган болд [хоршоо] (ган төмөр) - Унтарч буй галын зүг Жамуха эргэхдээ ган болд илднийхээ бариулыг өөрийн эрхгүй атгав. Г. Жигжидсүрэн. Усан дээрх гал., ган төмөр [хоршоо] (маш сайн хатаасан төмөр) - Галбын дархан дархалсан ган төмөр болцуутай. Халх ардын тууль., ган төмөр зэврэвч хүндтэй, гавьяат хүн өтлөвч хүндтэй [зүйр цэцэн үг] (олонд сайн явсан хүн хэзээ ч нэр хүндээ алдахгүй гэсэн санаа), гангаа барсан хэт, газраа барсан хүн [зүйр цэцэн үг] (а. Нөхөр ханьгүй, танил талгүй хүн; б. Нэр нүүрээ бараад орох газаргүй болсон хүн; в. Ямар ч хэрэгцээгүй болсон зүйл);


2. [шилжсэн] Хатуу, бат, тэсвэртэй: ган зориг (хатан зориг) - Энэ өвгөн бол амьдралын түмэн бэрхийг туулсан ган зоригтны нэг дэлгэрэнгүй... “Утга зохиол, урлаг” сонин.

ган татах төмөрлөг эдлэлд ган суулгах
ган хайлах ганг хайлмал байдалтай болгох
ган зам төмөр зам
ган илд гангаар хийсэн илд
ган сэлэм хатан сэлэм
зэвэрдэггүй ган зэвэнд тэсвэртэй ган
ган болд ган төмөр
ган төмөр маш сайн хатаасан төмөр
ган төмөр зэврэвч хүндтэй гавьяат хүн өтлөвч хүндтэй олонд сайн явсан хүн хэзээ ч нэр хүндээ алдахгүй гэсэн санаа
гангаа барсан хэт газраа барсан хүн а. Нөхөр ханьгүй, танил талгүй хүн; б. Нэр нүүрээ бараад орох газаргүй болсон хүн; в. Ямар ч хэрэгцээгүй болсон зүйл
ган зориг хатан зориг
Ижил үг:

ГАН II

ГАН III

ГАН IV

ГАН V:

ГАН VI:

ГАН VII:

ГАН VIII: