Үүд хаалганы доод хэсгийн хөндлөн мод: босго алхах (а. Гэрийн үүдээр алхан орох; б. Айлаар орж гарах) дэлгэрэнгүй...- Сүрэн эмгэн түүнээс хойш Жамбын босгыг алхахаа байжээ. Б.Ринчен. Үүрийн туяа., босго давах (босго алхах) - Ном эс сурвал эцгийн гэрийн босго давахгүй гэж мэдээрэй. С.Удвал. Их хувь заяа., босго мод (хөндлөн гишгүүр мод), босго хэмжээ (тогтоосон жишиг хэмжээ), босго оноо (элсэлтийн шалгалтад тэнцэх оноо), босго гишгүүр [хоршоо] (үүдэнд байх хөл арчих дэвсгэр), *босго алхахгүй (дахин хэзээ ч орж ирэхгүй гэсэн санаа) - Ширчин төрөл төрсөн гэж үзэх шинжгүй байгаад нь гомдож, үүнээс хойш, түүнээс цааш ахын босгыг ч алхахгүй гэж бодов. Б.Ринчин. Үүрийн туяа., *босго өндөртэй (орох, уулзах, давахад хэцүү), *босго ширүүнтэй айл (хүн тогтдоггүй, байж суух, ажиллаж амьдрахад хэцүү газар) - Одоогийн сумын төв бол есдэх удаагийн төв. Хорин есөн жилд арван таван дарга сольсон байгаа юм. Ийм босго ширүүнтэй айлд очиж дээ. Б.Цэрэндагва. Олонд итгэгдсэн хүн., *босго элээх (үргэлж орж гарсаар байгаад дасал болох).