1. Хэлбэр байдал, хэв маяг, овор дүр: янз бүрийн (хэлбэр дүрс, хэв байдал төрөл бүрийн), янз дэлгэрэнгүй...орох (а. Ямар нэгэн байдал бий болох; б. Байдал нь сайжрах), муудах янз орох (муудсан байдал бий болох), олон янзын (олон төрлийн хэлбэр дүрс, хэв байдал бүхий), янз байдал [хоршоо] (байдал төрх, хэв маяг) - Ядрах янз байдлыг илэрхий үзэх хэрэгтэй. Замлин Сэнчиний намтар оршив., янз дүрэм [хоршоо] (хэв маяг, дүрэм журам) - Үс самнах янз дүрэм гарган хожгор толгойгоо хойш урагш хэд хэдэнтээ маажиж амрав. Ардын аман зохиолын эмхэтгэл., янз зохис [хоршоо] (хэлбэр үзэмж) - Янз зохисыг үзэж яахин дайлалдахыг өөрөө мэд. Замлин Сэнчиний намтар оршив., янз маяг [хоршоо] (хэлбэр донж) - Гэрийн янз маяг хол газраас үзэхүйд бөмбөг уул шиг үзэгдмүй. А.Дашням. Хүрэндэлтийн хүүхэн., үзэмж янз [хоршоо] (юмны хэлбэр маяг), үлгэр янз [хоршоо] (дээл хувцасны загвар), янз хэлбэр [хоршоо] (хэлбэр байдал), янз шинж [хоршоо] (байдал төрх) - Янз шинж нь бүрдсэн чанар нь хүлэг билээ зээ. Монгол ардын уртын дуу., янз ягаа [хоршоо] (хэлбэр дүрс) - Эрвэгэр сэрвэгэр янз ягаа гарган хээлсэн багана тулгуур байна. Б.Ринчен. Гүнж;