Нэвтрэх
Ашиглах заавар
БИЧИГ
1. Үг хийгээд хэлний хэрэглэгдэхүүний авиа, дүрсийг тэмдэглэх үсэг хэрэглэн санаа бодлоо буулгах үгсийн дэлгэрэнгүй...
2. Бичгийн хэрэглэл: бичгийн зүү (бичиг үдэх хадаас), бичгийн дугтуй (бичиг агуулах цаасан сав), бичгийн дэлгэрэнгүй...
3. Бичигч: бичгийн хүн (а. Бичиг сурсан хүн; б. Эрдэм номын мөр хөөсөн хүн; в. Бичгийн ажилд мэргэшсэн хүн), их бичгийн дэлгэрэнгүй...
4. Бичгийн төрөл: албан бичиг (албан харилцаанд хэрэглэх тусгай хэв, тогтсон найруулга бүхий бичиг), зурвас бичиг дэлгэрэнгүй...
5. Ном зохиол: бичиг орчуулах (ном зохиол орчуулах) - Ном их үздэг, бичиг их орчуулдаг тийм нэг хүн байсан юм. дэлгэрэнгүй... бичиг зохиол [хоршоо] (утга зохиол, ном зохиол) - Хуучин бичиг зохиолоос өөр юм олж үзэх арга нөхцөлгүй. Б.Ринчен. Үүрийн туяа., бичиг ном ~ ном бичиг [хоршоо] (бичин тэмдэглэсэн зохиол бүтээл), бичиг судар [хоршоо] (ном судар, ном зохиол) - Тэр үед асрын дээр бичиг судар хурааж байжээ. В.Инжаннаши. Улаанаа ухилах тэнхим., бичиг суртал [хоршоо] (ном зохиол, үзэл санаа) - Дайчин улс тулгар тогтнохоос бичиг суртлаас бие гарч хөрөнгө бүтээхийн үүдгүй тул... В.Инжаннаши. Хөх судар., бичиг товхимол [хоршоо] (ном зохиол, товхимол) - Орчуулан эвлүүлж зохиох, бичиг товхимолд хэрэглэх орос монгол нэрийн зүйлийг бичих зэргээр… Б.Ринчен. Марк Твений минь махыг нь идэж дээ., бичиг утга [хоршоо] (ном зохиолын утга санаа, ойлголт) - Энэ сэтгэлийг юунаар ч саатуулан чадахгүйдээ бичиг утгыг эрсээр байв. В.Инжаннаши. Хөх судар., бичиг хар [хоршоо] (бичиг зохиол) - Аливаа бичиг харыг монголчлон орчуулахуйд хүрэв. Б.Ринчен. Марк Твений минь махыг нь идэж дээ., бичиг цаас [хоршоо] (бичиг номын зүйл), бичиг эрдэм [хоршоо] (эрдэм ном, боловсрол) - Мал хариулж явснаас бичиг эрдэм сурвал зохилтой билээ. Хоёр загалын тууж.
| бичгийн боловсрол | бичиж найруулах чадвар, эрдэм |
| бичгийн хэл | ярианы хэлэнд тулгуурлан үүсэж хэлбэржсэн нарийн дүрэм журамтай харьцангуй тогтвортой хэл |
| бичиг үсэг ~ үсэг бичиг | үг хэлийг тэмдэглэж олон түмэнд болон хойч үедээ уламжлах харилцааны тэмдгийн тогтолцоо |
| бичиг сурдаггүй битүү толгой, эрдэм сурдаггүй эргүү толгой | ном эрдэм сурдаггүй ой ухаан муутай гэсэн утгатай хэллэг |
| бичгийн зүү | бичиг үдэх хадаас |
| бичгийн дугтуй | бичиг агуулах цаасан сав |
| бичгийн машин | гар бичмэл болон бичмэл материал зэргийг шивэн оруулах машин |
| бичгийн сав | бичгийн хэрэглэл агуулах эдлэл |
| бичгийн таарцаг | бичиг цаас хийх цүнх маягийн зүйл |
| бичгийн хэрэглэл | бичиг бичихэд хэрэглэх зүйл |
| бичгийн цаас | бичиг бичихэд зориулсан цаас |
| бичгийн эд | цаас, бэх, бийр, зууруул зэрэг бичгийн хэрэглэл |
| бичгийн хүн | а. бичиг сурсан хүн; б. Эрдэм номын мөр хөөсөн хүн; в. Бичгийн ажилд мэргэшсэн хүн |
| их бичгийн хүн | а. Эртний гүн ухаанд мэргэжсэн эрдэмтэн тэнгэр, газар, хүн гурвыг туулсан хүн; б. Номын их гүүш |
| албан бичиг | албан харилцаанд хэрэглэх тусгай хэв, тогтсон найруулга бүхий бичиг |
| зурвас бичиг | нарийн уртхан цаасан дээр бичсэн бичиг |
| тунхаг бичиг | засаг төрийн дээд байгууллагаас олон нийтэд зарлан тараах албан бичиг |
| түүх бичиг | түүх тэмдэглэсэн бичиг |
| ухуулан зарлах бичиг | олон нийтийн санаа бодлыг нэгэн зүгт хандуулах зорилготой мэдээллийг цаасанд бичиж олны хөлийн газар нааж үзүүлэх бичиг |
| шаантаг бичиг | зөөлөн шавар дээр хурц үзүүртэй зүйлээр наалдуулан дарж бичдэг шаантган дүрст бичиг |
| эх бичиг | хуулбар биш, гарын үсэг, тамга бүхий бодит эх |
| авцгаах бичиг | алба сангийн юмыг авахын тулд баримт тэмдэг болгох бичиг |
| бичиг баримт | бичиж баримтжуулсан зүйл |
| бичиг бийр | а. Бичгийн хэрэглэл; б. Эрдэм ном, бичгийн боловсрол |
| бичиг дурсгал | бичгээр үлдсэн өв соёл |
| бичиг дэвтэр | ном дэвтэр, цаас дэвтэр |
| бичиг захиа | бусдад илгээн явуулах, дамжуулан өгөх бичиг |
| бичиг тэмдэглэл | бичиж тэмдэглэсэн зүйл |
| бичиг орчуулах | ном зохиол орчуулах |
| бичиг зохиол | утга зохиол, ном зохиол |
| бичиг ном ~ ном бичиг | бичин тэмдэглэсэн зохиол бүтээл |
| бичиг судар | ном судар, ном зохиол |
| бичиг суртал | ном зохиол, үзэл санаа |
| бичиг товхимол | ном зохиол, товхимол |
| бичиг утга | ном зохиолын утга санаа, ойлголт |
| бичиг хар | бичиг зохиол |
| бичиг цаас | бичиг номын зүйл |
| бичиг эрдэм | эрдэм ном, боловсрол |
| бичиг айлтгах тэнгэр | оны тэнгэрийн дотоод арван хоёрдугаарт буй оны эрхэм тэнгэр, айлтгах тэмдэглэх хянах байцаах хэргийг даана |
| бичиг авцгаах | аливаа албаны юм зүйлийг авах учир тэмдэгт болгож өгүүлэх бичиг |
| дээдийн бичгийн гэр | ордны эмэгтэйчүүд буюу дотоод авгай нарын бичиг унших газар |
| бичгийн хэвийн гэр | хааны бичсэн зүйл бүрийн бичгийг сийлэх, дармал дарах газар |
| бичгийн дарга | дотоод яамны хэргийг бүгд захирах сайд |
| бичгийн дэслэн уншигч сайд | дотоод яамны жигүүрийн бичгийн даргын дараах түшмэл |
| бичгийн дэслэн хэлэлцэгч сайд | бичгийн яамны дэслэн уншигч түшмэлийн адил түшмэл |
| бичгийн дэд сайд | жигүүрийн сайдын зэрэг хавсаргасан дотоод яамны хэрэг шийтгэх сайд |
| бичгийн сайд | бичгийн эрхэм сайд, есөн сайдуудын зэрэг сайдыг хэлнэ |
| бичгийн эрхин сайд | дотоод яамны хэргийг бүгд захирах сайд |
| бичиг унших түшмэл | тайлгын бичиг унших түшмэл |
| цаг улирлын тооны бичигт тушаасан түшмэл | цаг улирлын тооны бичгийг сийлэх дармал дарах зэрэг хэргийг хамаарах түшмэл |
| бичгийн түшмэл | эрхэлсэн түшмэлээс дорогш, бага тушаалын түшмэл |
| бичгийн түшмэл тавих ариутгах хэлтэс | тэгш, сондгой сард манж, хятад бичгийн түшмэдийг томилон тавих, ухуулан нөхөх, нэмэх хасах зэрэг хэргийг эрхлэн шийтгэх газар |
| бичгийн түшмэлийн өргөмжлөлийн өчүүхэн салаа | дотоод, гадаад бичгийн түшмэлийн жуухын хэрэг зүйлийг хадгалах газар |
| бичгийн түшмэлийн тэмдэг | гадаад бичгийн түшмэлд бат болгон өгөх бичиг |
| бичгийн тэмдэг | чулуу, тоосго, яснаа тулгарын үсэг сийлж тэмдэглэн дарах зүйл гарын тийз |
| бичгийн утгач | бичгийн дэслэн уншигч сайдаас дорогш, харцсын цогтноос дээш түшмэл |
| бичгийн хүний хив малгай | эртний бичгийн хүний өмсдөг байсан малгай |
| бичгийн яам | бичиг сурлага, өргөмжлөл жуух, гэрэлт хөшөө чулууны бичиг зохиож бичих, улсын судар, зүйл бүрийн шастирыг үйлдэх зэрэг хэргийг бүгд захирах яам |
| айлтгах бичиг | албан ёсоор дээд тушаалтанд өргөх бичиг |
| ерийн айлтгах бичиг | мэдээлэх зорилгоор тамга даралгүй айлтгасан бичиг |
| илэрхийлэн айлтгах бичиг | баярын ёс хийж айлтгах албан барьж ирэх айлтгах бичиг бодрол бичиг |
| өргөн барих айлтгах бичиг | ихэс дээдэст баярын ёсоор айлтгах бичиг |
| тамгатай айлтгах бичиг | тамга тэмдэг бүхий айлтгах бичиг |
| айлтгал бичгийг цохлох | айлтгах бичгийг дагуулсан хуудасны ёсоор буулгасан зарлигийг улаан бийрээр хичээнгүйлэн бичих хэрэг зүйлийг эрхлэн шийтгэх |
| буулгат бичиг | зургаан яамны айлтгасан ёсоор сийрүүлж данс үйлдэж яаманд хадгалах бичиг |
| гаргах бичиг | олон мужийн айлтгах хэргийг ёсоор сийрүүлэн хүргүүлэх бичиг |
| дашлах бичиг | айлтгах бичгийн ёсоор бичиж дотоод яаманд хүргэж хадгалуулах газар |
| дэвшүүлэх бичиг | тухайн яамны хүрээнд харьяа хэлтсийн харилцан явуулах бичиг |
| тушаал илгээх бичиг | дээд түшмэлд илгээх бичиг |
| уламжлан буулгасан бичиг | зургаан явдлын яамны улам улмаар уламжлан гаргах хэрэг |
| бичиг үсэгт тайлагдах | уншиж, бичиж чаддаг болох |
| дээсэн бичиг | дээс зангидан янз бүрийн гогцоо гарган түүгээрээ дохио болгон харилцах эртний бичиг |
- Өргөн хэрэглээний үг
- Явцуу хэрэглээний үг
- Аман зохиол
- Нэр томьёо
Мэдээлэл
Бусад
Сошиал сайт
Толийн тухай
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он