Бусдыг инээдэмт байдлаар баалах, шогчлох зүйл: шог гараа [хуучирсан] (нийгмийн дотор байгаа дутагдлыг дэлгэрэнгүй...бага хугацаанд хошин байдалтай жүжигчлэн үзүүлэх нь), шог дуу (хошин дуу) - Хэн маань, ямар шуу шог дуу гаргуулаад ирэх бол гэцгээв. Ж.Пүрэв. Гурван зангилаа., шог зураг (үнэн дүрийг хэтрүүлэн шүүмжилж, шоглон зурсан хошин, инээдмийн зураг) - Лам ноёдын амаар олон үхэр тэрэг мэтийн эд агуурсыг залгиж буйг үзүүлсэн, өнгийн будагтай шог зургийг тайлбарлан ярьж байлаа. Д.Гонгор нар. Д.Сүхбаатарын тухай дурдатгалууд., шог зураач (хошин, инээдмийн хэлбэрээр зурдаг зураач), шог найруулал (дутагдалтай явдлыг шүүмжлэн хошин хэлбэрээр бичдэг сэтгүүл зүйн төрөл), шог сэтгүүл (дутагдалтай зүйлийг хошин хэлбэрээр нийтэлдэг сэтгүүл), шог хүн (а. Алиа хошин зантай хүн; б. Өмссөн хувцас, байдал төрх нь инээдтэй харагддаг хүн), шог яриа (хошин, инээдэмтэй яриа) - Нутгийн олны дунд сонин шог яриа гэдэг юм уу, хайр дурлалын тухай домог үүсгэжээ. Б.Бааст. Алтайн хөх дөнөн., нөхөрсөг шог (нөхрийн үүднээс тохуурхан тоглох нь), шог хошин [хоршоо] (алиа наргиан), хошин шог зохиол (хошин шог хэлбэрээр бичигдсэн зохиол) - Тэр хүн аяны майханд эрээ цээргүй сууж, шарсан төмснөөс хуваан идэх зуураа цэргүүдтэй хошин шог юм ярьж билээ. Б.Өлзийсүрэн. Замын хүзүү.