1. Шагнал болгож өгөх юм; хувь, бэлэг: шан авах (шагнал, бэлэг авах) - Хүн чинь ажил хийж байж дэлгэрэнгүй...сүүлд нь шангаа авдаг шүү дээ. Л.Түдэв. Уулын үер., шан өгөх (хийсэн зүйлийг нь үнэлж бэлэг өгөх) - Хятадын түрэмгий этгээдийг илрүүлсэн хүнд шан өгнө гэж бичиг наажээ. С.Удвал. Их хувь заяа., шан хүртээх (хувь, хишиг олгох) - Хэргийг тань бүтээж хэлснийг тань хийлээ. Шан хүртээвэл үгүй гэхгүй. З.Баттулга. Уяхан замбуутив., мөнгөн шан олгох (мөнгө, төгрөгөөр урамшуулал шагнал, бэлэг өгөх), шан хишиг ~ хишиг шан [хоршоо] (хишиг, шагнал) - Буу сум, дээлийн торго, эмээлтэй морь зүйл бүрийн юмаар хишиг шан хүртээж цэргүүд нутаг буцахаар бэлдэж байлаа. С.Удвал. Их хувь заяа., шан харамж [хоршоо] (харамж хишиг) - Шаахайн замаар цувж хоцорсон эцэнхий тэмээ цуглуулж, туулайн шөлөөр тэжээж тэнхрүүлээд, харамж шан авч л байлаа. Б.Бааст. Алтайн хөх дөнөн., шан хувь [хоршоо] (хувь хишиг, шагнал болгож өгөх юм, бэлэг);