Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ХҮНД I

1. Бодисын хүндийн хэмжээ буюу хувийн жин нь их: хөнгөний эсрэг утга: хүнд ачаа (жин ихтэй тээш) дэлгэрэнгүй...

2. Нүсэр, том, хэмжээ цар ихтэй: хүнд аж үйлдвэр (машин механизм, үйлдвэрийн хэрэгсэл, цахилгаан түлш үйлдвэрлэх, үйлдвэрүүдийн дэлгэрэнгүй...

3. [шилжсэн] Хялбар биш, хүчир, хэцүү: хүнд ажил (хатуу бэрх ажил) - Гэрээсээ өртөө гаруй газар нэг сайн айлд хэд хоног жаргаж, дэлгэрэнгүй... С.Удвал. Та бид уулзана., хүнд алба (хийж гүйцэтгэхэд хүчир, бэрх алба), хүнд байдал (цаг үе, хэрэг явдлын хэцүү түгшүүрт байдал) - Сүүлчийн өдөр нь хүнд байдалд орж ухрахаас өөр аргагүй болжээ. Ж.Дамдин. Үймээний жил., хүнд бэрхшээл (ярвигтай саад тотгор, хэцүү зүйл) - Тэр зуны гөрөөлөлтөнд бид олон зүйлийн хүнд бэрхшээл туулжээ. Ж.Дамдин. Миний монгол., хүнд дарамт (бие махбод болоод сэтгэл санаанд хэцүү дараас болсон зүйл) - Бодол сэтгэлийн ийм хүнд дарамтыг би ер хэзээ ч үүрч үзээгүй санагдана. Л.Дашням. Бурхантын цэцэг., хүнд зовлон (бие сэтгэлийн хэцүү зүдүүр, шаналгаа: гачигдал) - Хөөрхий эжий нь нас баржээ. Чимэдийн бие нь муу байхад тийм хүнд зовлон тохиолддог мөн хэцүүеэ. С.Эрдэнэ. Хонгорзул., хүнд нөхцөл (аливаа зүйлийг хийж бүтээхэд бэрхшээлтэй, хэцүү нөхцөл байдал) - Санаж байна. Та нар мөн ч хүнд нөхцөлд байсан шүү. “Утга зохиол урлаг” сонин., хүнд өвчин (эдгэрэхдээ удаан, аминд аюултай өвчин) - За дөхөцгөөх үү? эмч ээ гээд босоход тэд цааш хүнд өвчтэй байсан хүүхдэд эмчилгээ хийж мөн тэндээ өнжиж, байдлыг ажиж байгаад маргааш орой нь буцжээ. С.Удвал. Та бид уулзана., хүнд өвчтөн (өвчин тусч бие нь маш их муудсан хүн) - Доктортой нэг золгосон ямар ч хүнд өвчтөн хүн айдгийгаа авдартаа хийлээ гэсэн үг. Т.Дэчингунгаа. Өөдрөг зам., хүнд үүрэг (биедээ хүлээсэн гүйцэтгэхэд хүчир бэрхтэй чухал ажил хэрэг), хүнд хохирол (ямарваа нэгэн зүйлд учирсан их сүйдэл), хүнд шарх (амь насанд аюултай шарх) - Зүүн эгмийн тус газар хүнд шарх олжээ. С.Эрдэнэ. Хонгорзул., хөл хүнд (бие жирэмсэн) - Балчир хэнз хүүхэд, өтгөс ядар настнууд, хөл хүнд зүдэр бүсгүйчүүд тэр олон хүний нэг тийш долгилон урсах их далайд хөл алдана. Д.Маам. Тэмээний дууль., хүнд бэрх [хоршоо] (хэцүү, амаргүй), хүнд хүчир [хоршоо] (дааж давшгүй, бэрхшээл ихтэй) - Малын хөнөөлт өвчнийг арилгах хүнд хүчир ажилд эрдэм мэдлэг хүч хөдөлмөрөө дайчилж үлэмжийн гавьяат үйлс бүтээснийг бид хэзээ ч мартахгүй. Б.Чойндон. Галбын говьд., хүнд хэцүү [хоршоо] (хатуу бэрх) - Над шиг шинэ тулгар малчин хүнд хүнд хэцүү ажил оногдлоо. Б.Сосорбарам. Очсын хүрээлэн;

4. [шилжсэн] Хор холбогдол их: хүнд аюул (хохирол сүйдэл ихтэй) - Зэр зэмсэггүй гар хоосон атлаа тулаад ирсэн хүнд аюулаас дэлгэрэнгүй... В.Шарма. Таван сургамж., хүнд үе (бэрхшээлтэй цаг) - Цас зудын хүнд үед малаа хорогдуулалгүй онд мэнд оруулсан малчдын ажиллагаанаас суралцах хэрэгтэй. Ж.Самбуу. Мал маллагааны арга туршлага., хүнд ноцтой (хэрэг явдлын хэцүү, онц түгшүүртэй байдал), хүнд өдөр (бэрхшээл саад ихтэй өдөр) - Энэ хэдэн сар хамгийн зовуурьтай хүнд өдрүүд байлаа. Л.Содов. Хаврын нар., хүнд хариуцлага (биелүүлэхэд хэцүү бэрх үүрэг), хүнд шийтгэл (хатуу ял, зэмлэл) - Дажин самууны хажуугаар ингэж басхүү хэрэг шүүж хүнд шийтгэл онооно гэж хөл хөөрцөг болон байхыг бодвол том хэрэг байлтай. Ж.Дамдин. Үймээний жил., хүнд эрүү (харгис, ширүүн шүүлт) - Идэх уух, өмсөх зүүх, унтах босох цөм хэмжээ хэрээтэй, зөрчвөл хүнд эрүү тулгана. С.Дашдэндэв. Улаан наран., хүнд ял (ял шийтгэлийн хамгийн хатуу нь) - Хүнд ял хүзүүндээ зүүхийн даваанд тулсан. Ж.Пүрэв. Гурван зангилаа., хүндээр амьсгаадах (арай ядан амьсгалах) - Мягмар ээжийнхээ хүндээр амьсгаадаж байхыг үзээд... Л.Содов. Хаврын нар., *хүндээ хөнгөнөөс өгөх (намбагүйтэх, хөнгөмсөг аашлах) - Цорж минь та таалан болгоож байгаа бол тэр ч таны санаагаар болно. Ер нь нэг муу үрээ унаад алс холын хязгаарт зорино гэдэг тань хүндээ хөнгөнөөс өгч байгаа хэрэг юм биш биз. Ж.Пүрэв. Гурван зангилаа;

5. Хөдлөх аашлах байдал удаан назгай: хүнд алхаа (нүсэр, жин ихтэй хүн, амьтны хөлөө удаан зөөн чанга гишгэх нь) - Байшингийн дэлгэрэнгүй... С.Лочин. Газрын дуун., хүнд биетэй хүн (махлаг том биетэй хүн) - Улаан хүүхэн бөөн баяр болон, дэлгүүр рүүгээ хүнд биеэ дааж ядан харайлгав. Л.Дашням. Нялх ногоо., хүнд назгай [хоршоо] (удаан хөдөлгөөнтэй), хүнд суртал [хоршоо] (ажил албан дээрээ бусдыг элдвээр чирэгдүүлэх зүй бус явдал) - Одоо угаалгын онгоц бөглөрчхөөд дуудахад хүртэл ирдэггүй юм шүү дээ. Хүнд сурталтай улсаа! хэмээн хошуу нэмэв. Л.Дашням. Бурхантын цэцэг., хүнд сурталтан (ажилд хэтэрхий албархаг, хөшүүн хойрго ханддаг албан хаагч) - Хөгшин хүнд сурталтан биш ээ бид! гэцгээв. Л.Түдэв. Нүүдэл., хүнд хөлтэй (морь малын удаан явдалтай нь) - Ойн цагдаа, хүнд хөлтэй зээрд морин дээрээ хажуулдан, хөглийн харлаж байгаа ойн зүг ширтэж явна. С.Эрдэнэ. Хонгорзул., хүнд хүн (а. Тарган хүн; б. [шилжсэн] Буурь суурьтай хүн), *хүнд бөгстэй (ажил хөдөлмөрт хойрго - Хөтөч тун аажуу хөдөлгөөнтэй, хүнд бөгстэй, хайхрамжгүй, дандаа нойрмог юм шиг байдаг байв. “Утга зохиол урлаг” сонин), хүнд тушаалтан ижил тийшээ нүдэрхүү, хөгшин чоно бэлтрэг тийшээ нүдэрхүү [зүйр цэцэн үг] (хүн өөрт хамаатай зүйлдээ голлон анхаарал хандуулдаг гэсэн санаа).

хүнд ачаа	жин ихтэй тээш
хүнд гартай	а. Илэх, домноход өвтгөх нь их - Хүнд гар толгой дээр нь бууж, үснээс нь татлаа. Д.Маам. Тэмээний дууль; б. Хурга, тугал хөхүүлэх, үрээ хайрах зэрэгт гэмтэх буюу эмзэглэх олонтой; в. Харвах намнах, буудах жадлах зэрэгт нь хүнд; г. [шилжсэн] Тариа тарихдаа өвтгөх нь их
хүнд лантуу	жин ихтэй, цохих багаж
хүнд нударга	хүчтэй цохилт
хүнд оргих	улам хүнд болох
хүнд хаалга	нүсэр том, жин ихтэй хаалга
хүнд чулуу	жин ихтэй, том чулуу
хүнд юм	жин ихтэй зүйл
хүндийн жин	тухайн биетийн жин
хүндийн өргөлт	спортын нэгэн төрөл
хүндийн төв	а. Биеийн эл хэсгийн хүртэх хүндийн хүчний нийлмэл хүчний үйлчлэлцэх цэг; б. Гурвалжны гурван дунд шугам огтлолцох цэг
хүндийн хүч	газрын гадарга орчимд байгаа биеийн дэлхийд татагдах хүч
хүнд хөнгөн	а. Бодисын хувийн жин их болон бага байдал; б. Ажил хэргийн хэцүү бэрх болон амар хялбар байдал
хүнд гэж битгий цөхөр хөдөлгөх аргыг бод хөнгөн гэж битгий басамжил өөрийнхөө чинээг тэнс	бэрхшээлээс битгий шантар, өөрийн чадал чинээнд юмыг тохируулан хийж байх гэсэн санаа
хүнд ачаа хөсөгт хортой хүнд суртал амьдралд хортой	аливаа дарамт саад ажил хөдөлмөрт бэрхшээл учруулдаг гэсэн санаа
хүнд аж үйлдвэр	машин механизм, үйлдвэрийн хэрэгсэл, цахилгаан түлш үйлдвэрлэх, үйлдвэрүүдийн цогц
хүнд үйлдвэр	хүнд аж үйлдвэр
хүнд буу	үхэр буу
хүнд төмөрлөг	төмрөөс их нягттай хар тугалга, зэс, цайр, диц, кадми, альбин, цагаан тугалга, висмут, мөнгөн ус гэх мэт өнгөт төмөрлөг
хүнд нүсэр	а. Том бөгөөд, байрнаас нь хөдөлгөхөд хүчир; б. Яршиг түвэгтэй, хүчир бэрх
хүнд ажил	хатуу бэрх ажил
хүнд алба	хийж гүйцэтгэхэд хүчир, бэрх алба
хүнд байдал	цаг үе, хэрэг явдлын хэцүү түгшүүрт байдал
хүнд бэрхшээл	ярвигтай саад тотгор, хэцүү зүйл
хүнд дарамт	бие махбод болоод сэтгэл санаанд хэцүү дараас болсон зүйл
хүнд зовлон	бие сэтгэлийн хэцүү зүдүүр, шаналгаа гачигдал
хүнд нөхцөл	аливаа зүйлийг хийж бүтээхэд бэрхшээлтэй, хэцүү нөхцөл байдал
хүнд өвчин	эдгэрэхдээ удаан, аминд аюултай өвчин
хүнд өвчтөн	өвчин тусч бие нь маш их муудсан хүн
хүнд үүрэг	биедээ хүлээсэн гүйцэтгэхэд хүчир бэрхтэй чухал ажил хэрэг
хүнд хохирол	ямарваа нэгэн зүйлд учирсан их сүйдэл
хүнд шарх	амь насанд аюултай шарх
хөл хүнд	бие жирэмсэн
хүнд бэрх	хэцүү, амаргүй
хүнд хүчир	дааж давшгүй, бэрхшээл ихтэй
хүнд хэцүү	хатуу бэрх
хүнд аюул	хохирол сүйдэл ихтэй
хүнд үе	бэрхшээлтэй цаг
хүнд ноцтой	хэрэг явдлын хэцүү, онц түгшүүртэй байдал
хүнд өдөр	бэрхшээл саад ихтэй өдөр
хүнд хариуцлага	биелүүлэхэд хэцүү бэрх үүрэг
хүнд шийтгэл	хатуу ял, зэмлэл
хүнд эрүү	харгис, ширүүн шүүлт
хүнд ял	ял шийтгэлийн хамгийн хатуу нь
хүндээр амьсгаадах	арай ядан амьсгалах
хүндээ хөнгөнөөс өгөх	намбагүйтэх, хөнгөмсөг аашлах
хүнд алхаа	нүсэр, жин ихтэй хүн, амьтны хөлөө удаан зөөн чанга гишгэх нь
хүнд биетэй хүн	махлаг том биетэй хүн
хүнд назгай	удаан хөдөлгөөнтэй
хүнд суртал	ажил албан дээрээ бусдыг элдвээр чирэгдүүлэх зүй бус явдал
хүнд сурталтан	ажилд хэтэрхий албархаг, хөшүүн хойрго ханддаг албан хаагч
хүнд хөлтэй	морь малын удаан явдалтай нь
хүнд хүн	а. Тарган хүн; б. [шилжсэн] Буурь суурьтай хүн
хүнд бөгстэй	ажил хөдөлмөрт хойрго
хүнд тушаалтан ижил тийшээ нүдэрхүү хөгшин чоно бэлтрэг тийшээ нүдэрхүү	хүн өөрт хамаатай зүйлдээ голлон анхаарал хандуулдаг гэсэн санаа