1. Худал хэлж, хүнийг мэхэлдэг овилгогүй муу зан - Хувхай хуурамчийн зангаар, хурдан үгсийг дуулав хэмээжээ. дэлгэрэнгүй...
Д.Равжаа. Зохиолын эмхэтгэл., хуурамч хүн (худал хэлдэг, овилгогүй хүн) - Банзар амиа бодсон нэг л хуурамч хүн шиг санагдахад дарга дотроо зэвүүрхсэн байдалтай байв. Ж.Бямбаа. Их аяныхан., хуурамч зан гаргаж ханиа битгий зовоо, худал хов тарааж хотлоон битгий зовоо [зүйр цэцэн үг] (хуурамч зан битгий гарга, худал үг битгий хэл гэсэн санаа), хуурай модны жин хөнгөн, хуурамч хүний зан хөнгөн [зүйр цэцэн үг] (хуурамч хүн юманд үнэн сэтгэлээсээ ханддаггүй гэсэн санаа), худалч хүний нээрэн олон, хуурамч хүний хөөрхий олон [зүйр цэцэн үг] (худалч, хуурамч хүн янз бүрээр аашлах нь их гэсэн санаа);хуурамч хүн | худал хэлдэг, овилгогүй хүн |
хуурамч зан гаргаж ханиа битгий зовоо худал хов тарааж хотлоон битгий зовоо | хуурамч зан битгий гарга, худал үг битгий хэл гэсэн санаа |
хуурай модны жин хөнгөн хуурамч хүний зан хөнгөн | хуурамч хүн юманд үнэн сэтгэлээсээ ханддаггүй гэсэн санаа |
худалч хүний нээрэн олон хуурамч хүний хөөрхий олон | худалч, хуурамч хүн янз бүрээр аашлах нь их гэсэн санаа |
хуурамч алт | жинхэнэ биш алт |
хуурамч дүр | дуураймал байдал |
хуурамч мөнгө | хууль бусаар үйлдвэрлэсэн мөнгөн тэмдэгт |
хуурамч хэрэг | үнэн биш, хуурмаг хэрэг |
хуурамч үе | хугарсан яс бороолохгүй байсаар хэвийн биш үе үүсэх согог |
хуурамчаар үйлдэх | хууль бусаар дуурайлган хийх |
худал хуурамч | үнэн биш, хуурмаг |
хуурамч бамбайтан | нуруу нь бөмбөгөр хатуу, өехий талдаа зөөлөн биедээ гэчирсгүй байдаг тэнцүү далавчит шавжийн бамбайтны дэд багийн овгийн шавж |
хуурамч гүрц | Амар мөрний сав газрын гол мөрөнд амьдардаг нэг зүйл загас |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он