1. [амьтан] Галууныхан овогт ордог томовтор, бүх бие нь цагаан, хошуу нь шар, хар, хөл ба сүүл охор, хөлдөө сарьстай, дэлгэрэнгүй...биеийн урт нь нэг зуун наян нэгэн сантиметр хүрдэг, хүнд нь арван гурван килограмм, урт хүзүүтэй, усанд шумбадаггүй, усны эрэг орчим газраар үүрлэн орших, ургамал болон шавж идэштэй, үзэсгэлэнтэй сайхан шувуу: хун галуу [хоршоо] (хун, галуу болон бусад шувуу) - Хун галуу дуугаа нийлүүлж үүлэн доогуур зэллээд ирлээ. Б.Жамд. Сэтгэлийн нууц., хун хорс [ургамал] (иш нь шулуун, буталж ургадаг, цуварсан навчтай, юүлүүр хэлбэрт бор цэцэг бүхий, хонгорцогт жимс ургадаг, хортой, эмнэлэгт хэрэглэдэг олон наст өвс), хун цэцэг [ургамал] (иш нь шулуун, хааяа зэллэж ургана, өндгөлжин навчтай, цэцэг нь юүлүүр хэлбэртэй, цагаан, улаан, хөх зэрэг өнгөтэй, хонгорцогт жимс нь өндгөлжин, олон үртэй, нэг болон олон наст өвс), *хун хэдий догшин боловч өндгөө хагалдаггүй [зүйр цэцэн үг] (ямар ч эх амьтан үр зулзагадаа хайртай байдаг гэсэн санаа), хунгийн зулзага мэт бүү хуйвалз, худалч хүний үгэнд бүү урагд [зүйр цэцэн үг] (эвтэй найртай байх, эв эеэ хичээх гэсэн санаа);