Нэвтрэх
Ашиглах заавар
ХУЙЛРАХ
1. Юмны нэг талаасаа хуниран эвхрэх, атирах: цаас хуйлрах (цаас нэг талаасаа хунирах, эвхрэх), дэлгэрэнгүй...
2. [шилжсэн] Олон хүн, амьтан бөөгнөрөх, ханарах - Гадаа байсан мөргөлчид Магсаржавыг даган хуйларч мөргөсөөр байв. Тэр давааг сэтэртэл нь харж байсан залуучууд хуйлраад гүйцгээлээ. Ч.Чимид. Хавар намар., хонь мал хуйлрах (хонь мал нэг захаасаа бөөгнөрөх) - Бэлчиж явсан хоньд захаасаа хуйлран үргэв. Н.Банзрагч. Тал нутгийн хавар;
3. [шилжсэн] Юмны салхинд туугдаж хурайлзан хөдлөх - Цас шуурганы хуйлрах манан босож байв. Д.Мягмар. Харанхуй дэлгэрэнгүй... тоос хуйлрах (их тоос босох) - Хурдан тэрэгний мөр огтлон, хулангийн тоос хуйлран байв. Д.Пүрэвдорж. Нар тойрсон зам., ус хуйлрах (ус салхины хүчээр эргэлдэн босох, ханарах) - Үерийн ус хөөсрөн хуйлрах нь, үхэгсдийг авах гэж яарах мэт. Б.Жамд. Сэтгэлийн нууц., хог новш хуйлрах (хог новш бөөн бөөнөөр салхинд хийсэх), үүл хуйлрах (үүл салхинд туугдан хөдлөх) - Цагаан үүлнүүд хуйларч, ойрын салхи сэрчигнэж байлаа. П.Хорлоо. Түүвэр зохиол., шороо хуйлрах (хүчтэй салхи салхилж их шороо тоос босох) - Шуурга эхэлж, шороо хуйлран үүл нүүгэлтэн нарыг халхална. “Утга зохиол урлаг” сонин.
| цаас хуйлрах | цаас нэг талаасаа хунирах, эвхрэх |
| даавуу хуйлрах | даавуу нэг талаасаа хунирах |
| хонь мал хуйлрах | хонь мал нэг захаасаа бөөгнөрөх |
| тоос хуйлрах | их тоос босох |
| ус хуйлрах | ус салхины хүчээр эргэлдэн босох, ханарах |
| хог новш хуйлрах | хог новш бөөн бөөнөөр салхинд хийсэх |
| үүл хуйлрах | үүл салхинд туугдан хөдлөх |
| шороо хуйлрах | хүчтэй салхи салхилж их шороо тоос босох |
ᠬᠤᠶᠢᠯᠠᠷᠠᠬᠤ
quyilaraqu
- Өргөн хэрэглээний үг
- Явцуу хэрэглээний үг
- Аман зохиол
- Нэр томьёо
Мэдээлэл
Бусад
Сошиал сайт
Толийн тухай
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он