1. Юманд тогтсон утаа, тортог: хөө хар (хав хар, пад хар), хөө болох (а. Хөө хүрэх; дэлгэрэнгүй...б. [шилжсэн] Гай болох), хөө дарах (тогооны ёроолын хөө дагшраад халах нь удаан болох), хөө суух (хөөтэй болох, хөө тогтох), хөө түрхэх (а. Хөөтэй болгох; б. [шилжсэн] Хүний нэр нүүрийг гутаах), *хөө шиг дотортой (маш муу санаатай, муу юм санаж бодож явдаг), тогооны хөө (тогооны ёроолд тогтсон тортог), яндангийн хөө (яндангийн тортог), бөөн хөө (тэр чигээрээ хөө), хөө тортог [хоршоо] (гал утаанаас гарах бохир) - Нүүрийг нь дарсан зузаан хөө тортог, тоос шорооны цаанаас идэр хүний цайлган хонгор царай нэвт гэрэлтэнэ. Б.Нямаа. Арандалынхан., *хөөтэй төлөг шиг (үзэмжгүй, халтар заваан), хөө нь их, хөндий нь бага [зүйр цэцэн үг] (уршиг, балаг ихтэй), хөөтэй ойртвол бараан, сүүтэй ойртвол цагаан [зүйр цэцэн үг] (хүний сайн, муу явах хань нөхрөөс шалтгаална гэсэн санаа), муугаас муу, модноос хөө [зүйр цэцэн үг] (муугаас муу л гардаг, муутай нөхөрлөвөл могойн хор гэсэн санаа).