Мал, гөрөөсний хэвтэшлэх газар: хонины хот (хонины хэвтэшлэх газар) - Тэр айлын хонь нь хотондоо, дэлгэрэнгүй...үхэр нь зэлэн дээрээ, тооно бүрээс уур утаа савсана. Д.Намдаг. Цаг төрийн үймээн., хот этэх (нүүдэл буухаас өмнө цас арилгаж хонь, үхрийн хэвтэр бэлтгэх), хот нь харлах (мал нь үхэж, үрэгдэж дуусах), хот нь цайх (айл өрх ядуурч мал сүрэг юу ч үгүй болох), хот хэвтэш [хоршоо] (малын хэвтэр бууц), хот хэвтэр [хоршоо] (малын хэвтэр бууц) - Ойр орчмынхоо бэлчээрийг бүрэн идэж дуусаагүй байхад хот хэвтэр шавхайд автсан үед тэр хавьдаа эрүүл цэвэр газар буухыг буурь солих гэнэ. Ж.Самбуу. Мал маллагааны арга туршлага., хотны хүйдэс цэвэрлэвэл баян явдаг, замын чулуу арилгавал жаргалтай явдаг  [зүйр цэцэн үг] (а. Мал, ахуйгаа сайн арчилбал амьдрал сайжирна; б. Олонд тус хийвэл өөрт тус ирнэ) - Хотны хүйдэс цэвэрлэвэл баян явдаг, замын чулуу арилгавал жаргалтай явдаг юм гэж хууччуулын хэлдэг нь учиртай. Ч.Лхамсүрэн. Малчны хүүхэд.