1. Нэгэн газар барилга байшин цогцлон суурьшсан бөгөөд үйлдвэр, худалдаа, засаг захиргааны байгууллага төвлөрч хүн ам дэлгэрэнгүй...олноор хуран цугларсан газар: хот байгууламж (уран барилга, нийгэм эдийн засаг, ариун цэвэр эрүүл ахуй, барилга техник, байгаль орчныг хамгаалах арга хэмжээг иж бүрнээр хамарсан хотын төлөвлөлт барилгажилтын онол практик), хот орох (хөдөөгөөс төв газар очих, хотод очих), хотын хөдөлгөөний дүрэм (хүн ам шигүү суурьшсан газар мөрдөх ердийн ба авто хөсөг, хүмүүсийн зохицон явах дүрэм, төв газрын замын хөдөлгөөний ба зорчигчийн мөрдөх дүрэм), хотын хүн ам (төвлөрсөн газрын хүн ам), хотын хайс [хуучирсан] (хуучин цагт хот балгасын гадуур барьдаг байсан хэрсэг), хотын цомцог [хуучирсан] (хотын хэрэм дээрх нэг зүйл барилга), хотын цэцэрлэг (төв газрын ургамалжуулсан амрах, алжаал тайлах газар), нийслэл хот (төрийн дээд эрх мэдэл бүхий байгууллага, засаг төрийн албан байгууллага орших улсын төв хот) - Одоо миний өмнө урт зам өч төчнөөн өртөө буудал, нийслэл хот бий. П.Лувсанцэрэн. Хөдөөгийн дуун: хот балгас [хоршоо] (эртний төв суурин газар, барилга байшин), хот суурин [хоршоо] (хүн ам олноороо суурьшсан, барилга байшин, үйлдвэр, худалдаа, засаг захиргааны байгууллага төвлөрсөн газар), хот тосгон [хоршоо] (бага шиг суурин газар), хот болбол дөрвөн их хайстай, хурим болбол төрийн их ёстой [зүйр цэцэн үг] (юм ёс журамтай байдаг гэсэн санаа);