1. Дэлхий ертөнц, орчлон ертөнц - Энэ хорвоо танилцаагүй хүнд хязгааргүй мэт боловч нүүр учран золгосон хүнд бол дэлгэрэнгүй...алгын чинээхэн юм даа. Л.Дашням. Бурхантын цэцэг., хорвоод хосгүй (хүн ба юмны олноос цойлсон, гоцолсон нь), хорвоод явах нас нь хоногийн төдий болох (хариугүй үхэх дөхөх), энэрэлгүй хорвоо (яаж ч болдоггүй, өршөөлгүй хорвоо), хорвоо ертөнц ~ орчлон хорвоо [хоршоо] (бидний амьдарч буй дэлхий ертөнц) - Орчлон хорвоод хосгүй сайхан алтан Жанрайсэг бурхан байдаг гэж сонссоноо санан түүнд өргөх гэж яваадаа баярлана. Д.Намдаг. Цаг төрийн үймээн., хорвоо дэлхий [хоршоо] (бидний амьдарч буй гараг ертөнц), сансар хорвоо [хоршоо] (дэлхийн бөмбөрцөг хийгээд бусад одон гарагсыг багтаасан хязгааргүй огторгуй) - Сансар хорвоо өнгөт мандал сарнишгүй еэ хө, сарнай чи минь ухаан бодлоос салшгүй еэ хө. Ж.Бадраа. Гайхмаараа., *өнгөрсөн хорвоо (бүтэхгүй болсон, бүтэхээсээ нэгэнт өнгөрсөн ажил хэрэг), хорвоо арвин гээд хоёр зуу насалдаггүй, хоолой урт гээд олс дээс залгидаггүй [зүйр цэцэн үг] (юмс үзэгдэл тогтсон хэм хэмжээтэй гэсэн санаа);