Нэвтрэх
Ашиглах заавар
ХОЛБОХ
1. Юмыг хооронд нь салахгүй болгон уях, торгох - Арал гол хоёрыг нь холбож авбал ердөө л хөллөхөд бэлхэн боллоо дэлгэрэнгүй...
2. Хэлхээ, харилцаатай болгох - Хаант орос Сибирийн төмөр замыг Их хүрээтэй холбох эсвэл Енисей мөрнөөр дамжуулан... зуузай холбох (эн зэрэгцэх, морь унан зэрэгцэн явах) - Хэдхэн мөч өнгөрөхөд эхний хэдэн морь зуузай холбон тодорч хуйлран боссон улаан шаргал тоосноос сугаран зугтлаа. С.Эрдэнэ. Гал шарын унага., *ураг холбох (гэр бүл болох) - Энэ хоёроо холбож айл гэр болговол болохгүй газаргүй мэт. Ч.Лодойдамба. Тунгалаг Тамир., *хоёр сэтгэл холбох (санал зохицож харилцан амраглах) - .Эр нөхөд тэдэнтэй сэтгэлээ холбосон ариун охидын эрх мэдэлгүйн уй гашуу сэтгэлд нь эргэлдэнэ. Д.Намдаг. Цаг төрийн үймээн., *амьдралаа холбох (гэрлэх, ханилан суух) - Тийм хүн энэ насанд дахиад яав ч олдохгүй, ерөөсөө тийм ганцхан сайхан хүнийг олж амьдралаа холбох хувь тавилантай төрсөн гэж өөрийгөө бодсон. С.Эрдэнэ. Дөрвийн бодол., *хошуу холбох (шивэр авир хэлэлцэх, аминчлан ярилцах) - Элдэв улстай нүүр учрах, нүдний дохио, гар барилцах, хошуу холбох, гангалах явдлыг маш тэвч. Д.Равжаа. Зохиолын эмхэтгэл., *зуузай холбох (мориор гүйцээд зэрэгцэн давхих) - Бид хоёр цаг юм ярьсангүй, алсад хөхрөх уулсын зүг зуузай холбон хатируулав. Д.Мягмар. Оторчин., тоонотой гэрт толгой холбох, тогоотой шөлөнд хошуу холбох [зүйр цэцэн үг] (эр эм болж хамт амьдрах, гэр бүл болох);
3. Юмыг эвцэлдүүлэх, найруулах, нийлүүлэх: холбох эгшиг (сонгодог монгол бичгийн хэлэнд гийгүүлэгчээр төгссөн үгэнд гийгүүлэгчээр дэлгэрэнгүй...
| олсоор холбох | олсоор хооронд нь уях |
| хонь холбох | хонь саахаар толгойг нь зөрүүлэн холбож уях |
| хүзүүгээр нь холбох | салахгүй болтол хүзүүгээр нь уяж торгох |
| зуузай холбох | эн зэрэгцэх, морь унан зэрэгцэн явах |
| ураг холбох | гэр бүл болох |
| хоёр сэтгэл холбох | санал зохицож харилцан амраглах |
| амьдралаа холбох | гэрлэх, ханилан суух |
| хошуу холбох | шивэр авир хэлэлцэх, аминчлан ярилцах |
| зуузай холбох | мориор гүйцээд зэрэгцэн давхих |
| тоонотой гэрт толгой холбох, тогоотой шөлөнд хошуу холбох | эр эм болж хамт амьдрах, гэр бүл болох |
| холбох эгшиг | сонгодог монгол бичгийн хэлэнд гийгүүлэгчээр төгссөн үгэнд гийгүүлэгчээр эхэлсэн дагавар залгахад дунд нь жийрэглэдэг эгшиг |
| үсэг холбох | а. Гийгүүлэгч эгшиг үсгүүдийг нийлүүлэн дуудах; б. Үсгүүдийг нийлүүлэн уншиж, бичиж сурах |
| үсэг холбож үе тэмдэглэнэ үе холбож үг тэмдэглэнэ үг холбож утга тэмдэглэнэ | үсэг нийлүүлж үе тэмдэглэнэ, үе найруулж үг тэмдэглэнэ, үг хэлхэж утга тэмдэглэнэ |
| толгой холбох | а. Ярих, бичих, зохиохдоо мөр бүрийн эхний үсгүүдийг ижил болгох; б. Эр эм болох |
Мэдээлэл
Бусад
Сошиал сайт
Толийн тухай
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он