Бодисын дотоод бүтэц бүрэлдэхүүн, чанарын өөрчлөлтийн зүй тогтоол хийгээд түүний задрал, хувирал, түүнчлэн чанарын дэлгэрэнгүй...өөрчлөлтийн эцэст үүсэх шинэ бодис тогтох зүй тогтоолыг судлах, байгалийн шинжлэлийн үндсэн шинжлэх ухаан: химийн зэвсэг (хордуулагч бодис тэдгээрийг хэрэглэхээр хордуулагч бодисоор цэнэглэсэн пуужин, сум, мина, бөмбөг гэх мэт хэрэгсэл), химийн мяндас (байгалийн болон нийлэг полимерийг химийн аргаар боловсруулж гаргадаг мяндаслаг эд), химийн технологи (үйлдвэрийн болон хагас үйлдвэрийн хэмжээнд эрдэс, шим түүхий эдийг зөв зохистой боловсруулах химийн арга хэрэгсэл), химийн тэгшитгэл (химийн тэмдэг томьёоны тусламжтайгаар химийн урвалыг илэрхийлэх), химийн ухаан (хувилахуйн ухаан), химийн удаашруулагч (химийн урвалын хурдыг удаашруулах чанартай бодис), химийн урвал (химийн ямар нэг бодис найрлага, бүтцээрээ ялгаатай өөр бодист хувирах үзэгдэл), химийн урвалж (лабораторийн химийн задлан шинжилгээ болон эрдэм шинжилгээ сорилт туршилтын ажилд зориулан хэрэглэдэг бодисууд), химийн томьёо (бодисын бүтэц бүрэлдэхүүнийг үсэг, тоо шифрээр илэрхийлсэн тэмдэглэгээ), органик бус хими (химийн махбодын чанар, тэдгээрийн хувирал нэгдлийг судлах ухаан), органик хими (нүүрс төрөгчийн нэгдэл хийгээд бусад энгийн нэгдлийг судлах ухаан).