1. Юмны нэгэн тал: баруун хажуу (баруун тал, баруун этгээд), зүүн хажуу (зүүн тал, дэлгэрэнгүй...зүүн этгээд), хажуу тал (хажуу этгээд, хажуу хэсэг), хажуугийн мэдрүүл (зарим хоёр нутагтан, авгалдай, загас, дугариг амтны мэдрэхүйн эрхтэн), хажуугийн ташилт (хажуугийн чиглэлийг хэвтээ хавтгайтай харьцуулахад үүсэх өнцөг), хажуугийн хатангирт хатуурал (тодорхойгүй шалтгаанаар үүсэж тархи, нугасны хөдөлгөөний мэдрэлийн эс зогсолтгүй хөнөөгдөж, булчин мах шуугдаж, гүн саажил үүсдэг төв мэдрэлийн тогтолцооны архаг, давших явцтай өвчин); хажуу хавирга [хоршоо] (хажуу тал, ойр дэргэд, хавь ойр, ойр тойрныхон) - Ямаа муу нэртэй хажуу хавиргын айлуудын гэр бараа өөд авирах, хонь дагуулан гүйх энэ тэрээр үнэ хүндгүй амьтан боловч үржих нь хурдан сааль сүү ихтэй амьтан. Д.Намдаг. Цаг төрийн үймээн;