1. Ямар нэг хэрэг зорилгын учир уналга, хөсөг хэрэглэн алсыг зорьж явах нь: аян хийх (алсыг зорин дэлгэрэнгүй...хээрлэн явах), аянд мордох (алсыг зорин гарах), аянд ядрах (хол замын явдалд ядрах), аяны дуу (холын замд дуулах дуу), аяны зардал (замын зардал, аяллын зардал), аяны зууш (замын хүнс, бэлдэж төхөөрсөн хүнс), аяны майхан (замд авч явах авсаархан майхан), аяны тэмдэглэл (аялан явсан замын тэмдэглэл), аяны хэрэглэл (замд явахад зориулан хийсэн хэрэглэл), урт аян (а. Холын аян; б. [шилжсэн] Унтах; в. [цээр] Үхэх), уртын аянд мордох (а. Холын аянд мордох; б. [шилжсэн] Бөх унтах; в. цээр Мөнх нойрсох), аяны дөрөө мултлах (аянаас харьж ирэх), аяны тоос (аяны явдал), аяны тоосонд дарагдах (аянд оролцох), аян дайн (уудам нутгийг хамарч, удаан үргэлжилсэн дайн) - Туулын зуун модонд аян дайныхаа цэргийн хүрээ байгуулан буудаллажээ. Б.Ринчен. Гүнж., аян жин [хоршоо] (олон хоногоор хол явах жин тээвэр) - Аян жинд явж, авах юмаа төхөөрөх үү дээ. Д.Нацагдорж. Зохиолын түүвэр., айлын нохой хуцлаа гээд аян жин зогсдоггүй [зүйр цэцэн үг] (ёстой юм ёсоороо гэсэн санаа), аян зам [хоршоо] (алсыг зорьсон зам) - Урт холын аян замд мордох улс шүү. Н.В.Гоголь. Тарас Бульба., аян нүүдэл [хоршоо] (хол газар нүүх нь) - Амраг хоёрыг холтгодог нь аян нүүдэл хө. Монгол ардын уртын дуу., аян явдал [хоршоо] (холын явдал) - Аян явдлаа гүйцээн чадагч асар олон тэмээний буян хишиг энд ирэн орштугай. Тэмээний даллага., аянд явахгүй хүнээр татлага бүү татуул [зүйр цэцэн үг] (үйл ажилд дадлага боловсрол эрхэм гэсэн санаа), аян нь урт, ашиг нь хомс [зүйр цэцэн үг] (ашиггүй гэсэн санаа), аяны хүн таяг чирэх, адууны хүн уурга чирэх [зүйр цэцэн үг] (хэрэг явдал тус тусын онцлогтой байдаг гэсэн санаа);
2. [яриа] Аялал:
аян ав (холын ав);
3. [шилжсэн] Тодорхой зорилго тавьж уриалсан, хугацаа бүхий их ажил:
соёлын аян (соёлжуулах төлөвлөгөөт ажил),
дэлгэрэнгүй...сарын аян (сарын хугацаанд өрнөх аян) - Хурга ишиг махлуулах зургаан сарын аян эхэллээ. “Үнэн” сонин.
Ижил үг
