СЭРГЭХ  

1. Дордож доройтсон байдлаас сэхэж дээрдэх, дээшлэх - дэлгэрэнгүй...Хашигнаж байсан морьд хүртэл буун дуунаар сэргэн хурдалж шинэ хүч авсан юм шиг боллоо. Ч.Алагсай. Алтайн зам., ажил нь сэргэх (ажил дээшлэх, өөдлөх), ногоо сэргэх (хатаж гандсан ногоо дахин ургаж эхлэх), нүд сэргэх (нүд нь гэрэлтэх, гал цогтой болох) - Ганбаатар эцэгтэйгээ адил адуу гэвэл нүд нь сэргэж, хэзээний л адуутай хөөцөлдөж, ноцолдож явах болов. С.Лочин нар. Галтай залуу нас., сэтгэл сэргэх (сэтгэл хөгжих, урам зориг орох) - Агь гангын сайхан үнэр ханхалсан нь сэтгэл сэргэж, бие тэнхлүүн хөнгөн болсон шиг санагдаж... байлаа. Б.Ринчен. Сандо амбан., урам сэргэх (урам хөгжих, урам орох) - Морьдын алхаанд урам нь сэргэсэн Насан мөн ч хөнгөн хөлтэй морьд байна даа. Г.Дүйнхэржав. Арилшгүй мөр., хийморь сэргэх (цог заль нь бадрах, ажил хэрэг бүтэмжтэй сайн болох) - Хөллөгөө морьдын чих сортолзов, хөтөч цэргүүдийн хийморь сэргэв. Б.Явуухулан. Тэхийн зогсоол., сэргэн мандах (өөдлөн дэвжих);

---

2. Унтсан амьтны нойр ханаж сэрэх, нойрмоглохоо болих - Нойр нь сэргэж толгой нь саруулхан боллоо. Л.Содов. дэлгэрэнгүй...Хаврын нар., байгаль сэргэх (ургамал ногоо жигдрэн ургаж байгаль дэлхий өнгө засах), ургамал ногоо сэргэх (ургамал ногоо жигдрэн ургах);

---

3. Мартагдаж удсан хэрэг явдал дахин үүдэн гарах - дэлгэрэнгүй...Түүгээр ч барахгүй хэдийн мартчихсан юм ч сэргэн санагдаад, яагаад ч юм бэ, гэнэт ухаан сэтгэлд орж байна. А.Толстой. Мөнгөн ноён;

---

4. Хүн, амьтны ухаан мэдрэл дахин орох, сэхэх: ухаан сэргэх (а. Дахин ухаан орох; б. Ухаан санаа саруулсах) -дэлгэрэнгүй... Чингис хаан ухаан сэргэж өгүүлрүүн: -Цус хатаж гүйцэв. Би ундаасаж байна. Монголын нууц товчоо.

---

• ногоо сэргэх - хатаж гандсан ногоо дахин ургаж эхлэх
• нүд сэргэх - нүд нь гэрэлтэх, гал цогтой болох
• сэтгэл сэргэх - сэтгэл хөгжих, урам зориг орох
• урам сэргэх - урам хөгжих, урам орох
• хийморь сэргэх - цог заль нь бадрах, ажил хэрэг бүтэмжтэй сайн болох
• сэргэн мандах - өөдлөн дэвжих
• байгаль сэргэх - ургамал ногоо жигдрэн ургаж байгаль дэлхий өнгө засах
• ургамал ногоо сэргэх - ургамал ногоо жигдрэн ургах
• ухаан сэргэх - а. Дахин ухаан орох; б. Ухаан санаа саруулсах

Холбогдох зураг одоогоор алга байна.