СЭРВЭН I  

Тэгш бус эрвэгэр юм, сэрвэгэр сэртгэр юм -дэлгэрэнгүй... Хонь, ямааг үдийн халуун нар дөхөх тутам уулын хяр, гүвээ, ухаа толгодын сэрвэнгийн сэрүүнийг дагуулан хариулж наранд халаагүй ногоо идээшлүүлэх хэрэгтэй. Ж.Самбуу. Мал маллагааны арга туршлага., уулын сэрвэн (уулын сэрвэгэр сэртгэр хэсэг) - Тэртээ уулын сэрвэнгээр монгол, орос цэргүүд сургууль хийн мөлхөж, гүйлдэж бөгтгөнөлдөн байгаа харагдлаа. Л.Түдэв. Улаан долгион., сэрвэн хад (сэрвэгэр сэртгэр хад, эрвийж сэрвийсэн хэлбэртэй тогтсон хад) - Удалгүй хоёулаа сэрвэн хадны цаагуур ороод харагдахаа болилоо. Ж.Дамдин. Миний монгол., эрвэн сэрвэн [хоршоо] (а. Эрвэгэр сэрвэгэр хэлбэртэй, тэгш бус байдал; б. Мод хад зэрэг юмны зэрэглээнд бүртэлзэн харагдах байдал - Эрвэн сэрвэн модтой бяцхан толгодын энгэр түшиж буусан тав зургаан гэр айлын гадаа ирэв. С.Эрдэнэ. Малын хөлийн тоос).

• уулын сэрвэн - уулын сэрвэгэр сэртгэр хэсэг
• сэрвэн хад - сэрвэгэр сэртгэр хад, эрвийж сэрвийсэн хэлбэртэй тогтсон хад