СӨРӨГ I  

Юмны дагуу биш, эсрэг байдал: сөрөг давших (эсэргүүцэн давших), дэлгэрэнгүй...наран сөрөг харах (нарны эсрэг харах) - Наран сөрөг нүд гялбуулсан голын ус үргэлж инээмсэглэх мэт тасралтгүй мяралзан... байв. Д.Гарамжав. Нэгэн өглөө., салхин сөрөг бэлчээх (малаа салхины эсрэг зүгт бэлчээх) - Намрын адууг салхин сөрөг бэлчээх хэрэгтэй. Ж.Самбуу. Мал маллагааны арга туршлага., сөрөг довтолгоо (эсэргүүцэн довтлох ажиллагаа) - Гэтэл тийм биш, тулалдаанд морин армийн наян гуравдугаар дивиз сөрөг довтолгоонд орж байсан юм. Д.Гармаа. Хулан зээрд., сөрөг үзэгдэл (зүй тогтоолд үл нийцэх үзэгдэл), сөрөг ган (усны хэрэглээ бага үед сүлжээнээс усаар дүүргэж, хэрэгцээ нэмэгдэх үед сүлжээнд ус нэмэх зориулалттай ус хуримтлалын ган).

• сөрөг давших - эсэргүүцэн давших
• наран сөрөг харах - нарны эсрэг харах
• салхин сөрөг бэлчээх - малаа салхины эсрэг зүгт бэлчээх
• сөрөг довтолгоо - эсэргүүцэн довтлох ажиллагаа
• сөрөг үзэгдэл - зүй тогтоолд үл нийцэх үзэгдэл
• сөрөг ган - усны хэрэглээ бага үед сүлжээнээс усаар дүүргэж, хэрэгцээ нэмэгдэх үед сүлжээнд ус нэмэх зориулалттай ус хуримтлалын ган

СӨРӨГ II