САГАХ  

1. Шингэн зүйл исэж гутсанаас хөөрч сагсайх, савнаасаа хальж асгарах: тараг сагах (тараг исэж дэлгэрэнгүй...савнаасаа халих), гурил сагах (гурил ихэд исэж хөөх), хөөс сагах (хөөс асгарах) - Буга согоо, гүр зүрнээс өөр салаа туурайтан хүрээгүй тийм өндөрт гарсандаа хөгшин үнээд нь ядарч хөөс саган уухилжээ. Б.Нямаа. Арандалынхан., хужир сагах (а. Хужир бурзайн ургах; б. Хужиртай усны ширгэх, нойтон юм хатах үед хужир гарч ирэх; в. Юманд хужир наалдах), исэж сагах (а. Тараг зэргийн исэж сагсайх; б. [шилжсэн] Ямар нэгэн зүйл ихэд хуралдан бөөгнөрөх) - Түүний чээжинд исэн сагаж яваа хорсол хилэн, хор шарыг таамаглаж байлаа. Д.Мягмар. Уянгын туужууд;

---

2. [шилжсэн] Идэж уусан зүйл огшин буцаж гарах гэж буй мэт болох: уусан айраг сагах (айраг их ууснаас амаар буцаж гарах шахах);

---

3. [шилжсэн] Сэтгэл хөөрч сагсуурах: дотор сагах (а. Сэтгэл хөөрч догдлох; б. Яарч адган бачимдах), дэлгэрэнгүй...архиндаа сагах (архи ууснаас сэтгэл хөөрч агсамнах);

---

4. [шилжсэн] Зан ааш эвдрэх, давлиун зан гаргах - дэлгэрэнгүй...Элбэг дэлбэг амьдралд хэтэрхий сагаж, өнгөндөө их амгалан сайн дүр үзүүлэвч цаанаа их зальхай аминч улсын дунд орсноо мэдлээ. С.Эрдэнэ. Өгүүллэгүүд., хоолонд сагах (элбэг хангалуун байснаас зан ааш эвдрэх) - Чи манай энийг мэдэж яваарай, жанжин гүний хоолонд сагах бий. С.Удвал. Их хувь заяа., амьдралд сагах (жаргалдаа ташуурах).

---

• тараг сагах - тараг исэж савнаасаа халих
• гурил сагах - гурил ихэд исэж хөөх
• хөөс сагах - хөөс асгарах
• хужир сагах - а. Хужир бурзайн ургах; б. Хужиртай усны ширгэх, нойтон юм хатах үед хужир гарч ирэх; в. Юманд хужир наалдах
• исэж сагах - а. Тараг зэргийн исэж сагсайх; б. [шилжсэн] Ямар нэгэн зүйл ихэд хуралдан бөөгнөрөх
• уусан айраг сагах - айраг их ууснаас амаар буцаж гарах шахах
• дотор сагах - а. Сэтгэл хөөрч догдлох; б. Яарч адган бачимдах
• архиндаа сагах - архи ууснаас сэтгэл хөөрч агсамнах
• хоолонд сагах - элбэг хангалуун байснаас зан ааш эвдрэх
• амьдралд сагах - жаргалдаа ташуурах

Холбогдох зураг одоогоор алга байна.