НАМБА  

1. Төлөв төвшин зан, тогтуун байдал: намба суух (төлөв төвшин байдалтай болох), дэлгэрэнгүй...намба төлөв [хоршоо] (төвшин дөлгөөн зан, ухаан томоо), намба толио [хоршоо] (хүний төлөв төвшин ааш, өнгө жавхаа);

---

2. Гадаад байдал төв үзэмжтэй: хүүх‎э‎н хүний намба (бүсгүй хүний дүр төрхтэй болох нь) - дэлгэрэнгүй...Хөөрхий үрийн минь хүүхэн намба, эвийн ааль, нүүрийн буян, бичиг сударт бузгай нь чухам лай болох нь. З.Баттулга. Уяхан Замбуутив., намба аяс тохирох (төлөв байдал нь нийцэх, таарах) - Шангийн цоохор гэх барзгар шар товчтой, нас сүүдэр ахисан хүний намба аяс тохирсон. Д.Цэдэв. Айргийн амт., намбаа тааруулах (аяг төлөвт нь нийцүүлэх), намба маяг [хоршоо] (гадаад байдал), намба төрх [хоршоо] (хүний ерөнхий төлөв байдал, төрх) -  Хүүхний энэ товчхон үг, өвөрмөц гэрлээр дүрэлзэх харц, уран уян намба төрх нь сэтгэл зүрхний гүнээ бүгшин буй нууц тэмүүлэл, сонирхол хүслийн өнгө аясыг бүрнээ илтгэх ажээ. Ж.Гал. Мянган уулын шүүдэр цэцэг.

---

• намба суух - төлөв төвшин байдалтай болох
• намба төлөв - төвшин дөлгөөн зан, ухаан томоо
• намба толио - хүний төлөв төвшин ааш, өнгө жавхаа
• хүүхэн хүний намба - бүсгүй хүний дүр төрхтэй болох нь
• намба аяс тохирох - төлөв байдал нь нийцэх, таарах
• намбаа тааруулах - аяг төлөвт нь нийцүүлэх
• намба маяг - гадаад байдал
• намба төрх - хүний ерөнхий төлөв байдал, төрх

Холбогдох зураг одоогоор алга байна.