1. Үлгэр, загвар: жишээ авах (хэлсэн ярьсан зүйлдээ жишээ олж утгыг тодруулах), дэлгэрэнгүй...жишээ болох (олонд үлгэр загвар болох), жишээ татах (өгүүлж баталж байгаа зүйлдээ үлгэр, баримт болохуйц зүйлийг дурдах), жишээ үзүүлэх (а. Өөрийн үйл ажиллагаагаар бусдад үлгэрлэх; б. Өгүүлсэн агуулгад багтах олон юман дотроос нэг хоёрыг иш татан дурдах), жишээгээр батлах (тодорхой баримтаар батлах), жишээгээр дүрслэх (тодорхой үлгэрээр үзүүлэх), бодит жишээ (үнэнд ойр, уг байгаа жишээ), үлгэр жишээ [хоршоо] (а. Үлгэр дуурайл; б. Даган дуурайж болохуйц сайн зүйл), жишээ зураг [хоршоо] (үлгэр загвар зураг) - Ёстой эх оронч баатар болохоо үзүүлж цэргүүдэд үлгэр жишээ болсон юм. Д.Гонгор. Д.Сүхбаатарын тухай дуртгалууд;
2. Адилтгал:
харьцуулсан жишээ (харьцуулан адилтгаж үзсэн зүйл);
3. Баримт;
жишээ болгох (нотлох баримт болгох) -
дэлгэрэнгүй...Үүний жишээ болгож “Сэтгэлийн дуудлагаар”, “Тус биш ус” зэрэг жүжиг киноны зохиолыг хэлж болно. “Цог” сэтгүүл., жишээ татах (өгүүлж буй зүйлдээ баримт дурдах), жишээ баримт [хоршоо] (үнэнийг батлах, нотлох зорилгоор үзүүлэх зүйл);
4. [шилжсэн] Багцаалсан хэр хэмжээ -
Ийм жишээний ажил хийж болно. И.Дамбажав. Монгол үгийн дээж.