1. Саванд юм агуулах багтаамжийн хэм хэмжээнд хүрсэн: авдар дүүрэн (авдарт пиг чихүү) -дэлгэрэнгүй... Хаймчигийн түүх судрыг яривал, улсын сайн малчин, нэгдлийн анхны гишүүн, хэд хэдэн чухал хурлын төлөөлөгч болж явсан бараг авдар дүүрэн үнэмлэх, сайшаал, баярын бичигтэй хүн. П. Лувсанцэрэн. нурамтын өвөрт., аяга дүүрэн (аяганы амсарт тэгш) - Ээж нь хүүд зэлмүүн хярам аягалж, нойтон ааруул дээр цөцгий тавьж өгөөд өөрөө аяга дүүрэн замбаан гурил атган зуурлаа. Т. Баасансүрэн. Хавар., хөхүүр дүүрэн айраг (хөхүүр бялхам их айраг) - Энэ хайрцаг дотор дүүрэн мөсөн чихэр бий. Л.Түдэв. Уулын үер., дүүрэн шанага дуугүй [зүйр цэцэн үг] (хүний сэтгэл хангалуун бол тэр болгон үг яриа гаргаад байдаггүй гэсэн санаа);
2. Маш олон, үлэмж
- Маш дэлгэр хангай минь мал сүргээр дүүрэн. Ц.Дамдинсүрэн. Түүвэр зохиол;
3. [шилжсэн] Элбэг баян, үлэмж их
- Дүүрэн билигтэй, төвшин жаргалтай. ААЗ;
4. [шилжсэн] Хангалттай, ханамжтай:
ам дүүрэн (а. Аманд багтахуйц -
дэлгэрэнгүй...Зоргоороо аашилсан хархүүгийн хилэнцэт үйлээр олдсон арвайн гурилыг ам дүүрэн зооглохдоо хоёр өвгөний хэн нь ч ичиж зовсонгүй. Б. Нямаа. Чулуут нутгийн бүсгүй; б. Идээ унд элбэг дэлбэг, цатгалан; в. Мартах), нүд дүүрэн (бие тэгш бөгөөд сайхан, дур татам) - Дондов маань эцгийгээ дуурайсан нүд дүүрэн эр болж шүү. Д.Цэдэв. Айргийн амт., чээж дүүрэн баяр (сэтгэл санаа уужруулсан их баяр) - Жавзмаа залуугийн хэлсэн ярьсанд чээж дүүрэн баяртай. Д.Цэдэв. Айргийн амт., сэтгэл дүүрэн (сэтгэл хангалуун баяртай);
5. Бүрэн төгс, сайтар:
бүрэн дүүрэн [хоршоо] (дутуу дулимаг юмгүй, төгс төгөлдөр)
дэлгэрэнгүй...- Зун намрын улиралд тарга хүчээ дүүрэн авсан мал өвөл хаврын тарчиг хатуу цагийг тэвчээртэй давж... Ж.Самбуу. Мал маллагааны арга туршлага.