ДӨРВӨЛЖИН I  

1. Дөрвөн талтай, тал бүр адил тэгш өнцөгт: дөрвөлжин алд (хорин таван дөрвөлжин тохой буюу 2.5м2-тай дэлгэрэнгүй...тэнцүү талбайн хэмжээ), дөрвөлжин булш (үхэгсдийн хүүрийг оршуулсан дөрвөлжин хэлбэртэй эртний оршуулгын газар), дөрвөлжин лий (1м2-тай тэнцүү талбайн хэмжээ), дөрвөлжин ташаа (хавтгай ташаа), дөрвөлжин тохой (нэг зуун дөрвөлжин ямх буюу 0.1м2-тай тэнцүү талбайн хэмжээ), дөрвөлжин хээ (тэгш өнцөгт дүрсээр зохион үйлдсэн хээ), дөрвөлжин чээж (ханхар өргөн чээж), дөрвөлжин ямх (10см2-тай тэнцүү талбай), дөрвөлжин ам (хүүхдийн орилж, уйлахад амны хэлбэрийг шоглон хэлэх үг), дөв дөрвөлжин (шоо дөрвөлжин) - Тэр, сандлынхаа арын хананд дүүжлээстэй, жижигхэн хайрцаг шиг дөв дөрвөлжин радио руу очиж дууг нь чангалах санаатай чихийг нь мушигсанд цаадах нь огтхон чангарсангүй. П. Баярсайхан. Нохойн хэвтэр., босоо дөрвөлжин (хоёр тал нь өндөр дөрвөлжин) - Жанжин та над босоо дөрвөлжин хөрөг захисан. Ч. Чимэд. Хэн хэлсэн юм бэ., гонзгой дөрвөлжин (хоёр тал нь нам дөрвөлжин), хавтгай дөрвөлжин (хөндлөн чигт хавтгай орон зайн дөрвөлжин) - Таван зуун мянга гаруй хавтгай дөрвөлжин километр говийг усаар бүрэн хангана гэдэг санашгүй зүйлийн нэг. С. Эрдэнэ. Говь гэмээ нь Говь билээ., шоо дөрвөлжин (бүх тал, өнцөг нь тэнцүү дөрвөлжин) - Бухлын багтаамжийг шоо дөрвөлжин метрээр гаргана. Ж.Самбуу. Мал маллагааны арга туршлага;

---

2. [шилжсэн] Хүн, мал амьтны тэвхгэр зузаан, махлаг бадриун нь: дөрвөлжин эр (өргөн зузаан биетэй эр);

---

3. Бөхийн хав барьц: хав дөрвөлжин (барилдаж буй хоёр бөх харилцан шуудагдаж барих барьц) - дэлгэрэнгүй...Далайцэрэн нэлээн шаралхсан бололтой хав дөрвөлжин барилцаж аваад сугадан эргүүлнэ. Ш. Сүрэнжав. Гангатын Гарьд магнай;

---

4. Хөзрийн улаан өнгийн дөрвөлжин дүрс бүхий мод: дөрвөлжингийн ноён (хөзрийн дөрвөлжин дүрст дөрөвдүгээр зэргийн мод, ноёны дүр дэлгэрэнгүй...бүхий хөзөр), дөрвөлжингийн хатан (хөзрийн дөрвөлжин дүрст тавдугаар зэргийн мод; хатны дүр бүхий хөзөр);

---

5. [шилжсэн] Талцсан хэрүүл, шуугиан: гурвалжин дөрвөлжин хэрүүл [хоршоо] (эх адаггүй хэрүүл, олны хэрүүл)дэлгэрэнгүй... - Эх нь өмөөрч гурвалжин, дөрвөлжин хэрүүл гарчээ. Н.Банзрагч. Зам., дөрвөлжин бичиг (1269 онд Пагва ламын зохиосон нэгэн зүйл бичиг).

---

• дөрвөлжин алд - хорин таван дөрвөлжин тохой буюу 2.5м2-тай тэнцүү талбайн хэмжээ
• дөрвөлжин булш - үхэгсдийн хүүрийг оршуулсан дөрвөлжин хэлбэртэй эртний оршуулгын газар
• дөрвөлжин лий - 1м2-тай тэнцүү талбайн хэмжээ
• дөрвөлжин ташаа - хавтгай ташаа
• дөрвөлжин тохой - нэг зуун дөрвөлжин ямх буюу 0.1м2-тай тэнцүү талбайн хэмжээ
• дөрвөлжин хээ - тэгш өнцөгт дүрсээр зохион үйлдсэн хээ
• дөрвөлжин цээж - ханхар өргөн цээж
• дөрвөлжин ямх - 10см2-тай тэнцүү талбай
• дөрвөлжин ам - хүүхдийн орилж, уйлахад амны хэлбэрийг шоглон хэлэх үг
• дөв дөрвөлжин - шоо дөрвөлжин
... үргэлжлүүлэн харах ...
босоо дөрвөлжин - хоёр тал нь өндөр дөрвөлжин
гонзгой дөрвөлжин - хоёр тал нь нам дөрвөлжин
хавтгай дөрвөлжин - хөндлөн чигт хавтгай орон зайн дөрвөлжин
шоо дөрвөлжин - бүх тал, өнцөг нь тэнцүү дөрвөлжин
дөрвөлжин эр - өргөн зузаан биетэй эр
хав дөрвөлжин - барилдаж буй хоёр бөх харилцан шуудагдаж барих барьц
дөрвөлжингийн ноён - хөзрийн дөрвөлжин дүрст дөрөвдүгээр зэргийн мод, ноёны дүр бүхий хөзөр
дөрвөлжингийн хатан - хөзрийн дөрвөлжин дүрст тавдугаар зэргийн мод хатны дүр бүхий хөзөр
гурвалжин дөрвөлжин хэрүүл - эх адаггүй хэрүүл, олны хэрүүл
дөрвөлжин бичиг - 1269 онд Пагва ламын зохиосон нэгэн зүйл бичиг

---

Ижил үг

ДӨРВӨЛЖИН II

Холбогдох зураг одоогоор алга байна.