ДООГУУР  

1. Дээгүүрийн эсрэг утга, доод талаар: голын гарамнаас доогуур (голын гармын доош), дэлгэрэнгүй...дэрэн доогуур (дэрний дор) - Энэ дэрэн доогуур бий гэх нь нөхөртөө юм уу ойр дотнын хүндээ хэлэх шиг зөөлөн сонсогдов. С. Пүрэв. Хүний ёсоор амьдарна., орон доогуур (орны доод хөндийгөөр) - Үүлтэй тэнгэрийн доогуур, үзүүртэй модны дээгүүр. ААЗ;

---

2. Хэвийн хэмжээнд бус: бүсээ доогуур бүслэх (бүсээ ташаанаас дор бүслэх), биеэ доогуур үзэх (биеэ тоохгүй байх, дэлгэрэнгүй...өөрийгөө дутуу үнэлэх);

---

3. Эгц чигээрээ бус, цэх биш: доогуур харц (хулчгар, залирхаг этгээдийн цэх биш харц)дэлгэрэнгүй... - Доогуур ширүүн харцтай цагдаа өрөөсөн чихээ имэрдэг заншилтай. С.Удвал. Та бид уулзана;

---

4. Дээгүүр биш, өндөрт биш: онгоц доогуур нисэх (онгоц газарт ойрхон нисэх, онгоц нам нисэх);

---

5. [шилжсэн] Эцэс, хойно, сүүлд, адаг хавьд - Манайх ажлын хувьд муу болоод доогуур байранд орж байгаа юм биш ээ. Б.Бааст. Алтайн хөх дөнөн;

---

6. Доод тушаалтан; эгэл доорд язгуур - Гүн Магсаржав бол хэдийгээр угсаа доогуур боловч эрдэмд муугүй. С.Удвал. Их хувь заяа., дээгүүр доогуур [хоршоо] (дээд, доод албан газар, их бага эрх мэдэлтэн), дээгүүр доогуур гүйх [хоршоо] (а. Хаа сайгүй; б. Дээд, доод албан газраар орж, их бага эрх мэдэлтний аль алинтай нь уулзах) - Эмч нар ч “өвчтөн сүйд боллоо” гэж зарга мэдүүлэн дээгүүр доогуур гүйв. Д.Цэдэв. Айргийн амт.

---

• голын гарамнаас доогуур - голын гарамны доош
• дэрэн доогуур - дэрний дор
• орон доогуур - орны доод хөндийгөөр
• бүсээ доогуур бүслэх - бүсээ ташаанаас дор бүслэх
• биеэ доогуур үзэх - биеэ тоохгүй байх, өөрийгөө дутуу үнэлэх
• доогуур харц - хулчгар, залирхаг этгээдийн цэх биш харц
• онгоц доогуур нисэх - онгоц газарт ойрхон нисэх, онгоц нам нисэх
• дээгүүр доогуур - дээд, доод албан газар, их бага эрх мэдэлтэн
• дээгүүр доогуур гүйх - а. Хаа сайгүй; б. Дээд, доод албан газраар орж, их бага эрх мэдэлтний аль алинтай нь уулзах

Холбогдох зураг одоогоор алга байна.